Unicode~
တောက်ပလေလေ လောင်ကျွမ်းလွယ်လေလေ..။
လူတစ်ယောက်ဟာ မိသားစုတစ်ခု၊ အိမ်တော်တစ်ခုရဲ့ အထင်ကရဖြစ်နေရင် သို့မဟုတ် တစ်ဦးတည်းသာလွန်မှုတွေ များနေလျှင် သည်လူ့အပြစ်ကို ရှာဖွေသူတွေလည်း များလာလိမ့်မည်။
၎င်းဟာ လောင်ကျွမ်းခြင်း၊ ပျက်စီးခြင်း၊ အဖျက်ဆီးခံရခြင်း၏ အစပင်။
မငြိမ်းသတ်နိုင်သော မီးတောက်တစ်ခုကို တစ်စုံတစ်ယောက်က အစပျိုးလိုက်ပြန်ပါပြီ။
သူတစ်ပါးကို လောင်ကျွမ်းစေရင်း ကိုယ်တိုင်ပါပျက်စီးသွားမည့်အရေး တွေးမိမည့်ပုံမပေါ်ချေ။
-Lady Phoebe
____
"အမေရောက်နေတာလား"
'ဖြန်း!'
ပါးတစ်ဖက်က နီမြန်းပူထူသွားလျက်..။
မျက်ရည်တတောက်တောက်ကျလာတာကို ခံစားမိသည်။ နာကျင်မှုကြောင့်လား၊ ရှက်ရွံ့မှုကြောင့်လား မဝေခွဲနိုင်သော်လည်း ရင်ဘတ်ထဲဆို့တက်လာတာတော့ သေချာသည်။
ကိုယ့်ညီမနှစ်ယောက်အပြင် ကိုယ့်အနောက်မှာ Jeon ရှိနေသည်။ အနီးနားမှာလည်း အလုပ်လုပ်နေတဲ့ အိမ်အကူတွေ.. သူတို့တွေအားလုံး၏ အာရုံက ကိုယ့်ဆီမှာ။ ဘယ်လောက်တောင် ရှက်ဖို့ကောင်းလိုက်သလဲ။
ရှက်လွန်းလို့ ကိုယ့်မျက်နှာကိုယ်ဓါးနဲ့မွှန်းပစ်ချင်သည်။
"အမေ.. အခု ဘယ်လိုလုပ်လိုက်တာလဲ"
"မြင်တဲ့အတိုင်းပဲ။ မင်းကြောင့် ငါရှက်လွန်းလို့ သေတော့မယ် သိရဲ့လား"
"နေပါဦး.. ဘယ်လိုအပြစ်မှန်းမသိပေမယ့် Taehyungက ကျွန်တော့်ဧည့်သည်ပါ.. လူကြားသူကြားထဲ အခုလိုလုပ်တာကတော့ မဟုတ်သေးဘူးလေ"
အနောက်မှာ ရပ်ကြည့်နေတဲ့ Jeonက ဝင်ပြောသည်။ Jeonကတောင် ဝင်ပြောရတဲ့အထိဆိုတော့ ကိုယ့်အဖြစ်က အတော်လေးရှက်ဖို့ကောင်းတယ်ထင်ပါရဲ့။
အမေဘာလို့ သည်လိုလုပ်ရတာလဲ၊ အပြစ်ကြီးတစ်ခု ကျူးလွန်ထားမိတယ်ထား.. ဒီလောက်ထိ သိက္ခါချ အရှက်ခွဲစရာလိုလို့လား။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
