Unicode~
ခြေမြန်တော်တစ်ယောက် ခပ်သွက်သွက်ပြေးလို့နေသည်။
ထိတ်လန့်စရာ သို့တည်းမဟုတ် ထိတ်လန့်စရာကောင်းအောင် တမင်ဖန်တီးထားသော သတင်းစကားပါးဖို့ရာ အမြန်ချောပို့တပ်သားလေးဟာ အဆင်သင့်ဖြစ်လို့နေသည်။
လုပ်ကြံဖန်တီးထားသော သတင်းစကားမှန်းသိသိလျက်နဲ့တောင် ခေါင်းညိတ်ယုံဦးမည့်လူကလည်း လန်ဒန်မြို့တော်မှာ အသင့်အနေအထား။
ပေါက်ကွဲတော့မည့်အခြေအနေတစ်ခုအတွက် ဤစာလွှာက လောင်စာတစ်ခုဖြစ်သွားနိုင်သည်။
ဒေါသဟာပေါက်ကွဲထွက်တတ်သလို လျှို့ဝှက်ချက်တွေဟာလည်း ပေါက်ကွဲထွက်တတ်ကြောင်း သတိပြုရန်တော့ လိုပေမည်။
-Lady Phoebe
____
"Georgeက ပိုးပန်းတယ် ဟုတ်လား။ ပြန်ပြောစမ်း Kim Taehyung!"
"မဟုတ်ဘူး Jeon. သူ စနောက်နေတာပါ"
"အို.. Eliza နားနဲ့ ဆတ်ဆတ်ကြားလိုက်တာ.. သိလား Cambridge အစ်ကိုငယ်ကလေ.."
"တိတ်တိတ်နေစမ်း!"
Jeonက Elizaကို ပိတ်အော်လိုက်တော့ Elizaအတော်လန့်သွားသည်။ သူ့မိခင်တောင် သူ့ကို အခုလို မအော်ဖူးပါ။ လက်မထပ်ရသေးတဲ့ အမျိုးသားလောင်းက ဘာလို့ သည်လို သူ့အပေါ်ကြမ်းတမ်းနိုင်ရတာလဲ။
"လာစမ်း.. Kim Taehyung!"
"အာ့! Jeon!"
Taehyungရဲ့ လက်ကောက်ဝတ်ကို အားနဲ့ဆွဲယူတော့ စွေ့ခနဲပါလာသည်။
Jeon၏ မျက်လုံးတွေဟာ ဒေါသကြောင့် နီစွေးနေသယောင် ထင်ရသည်။ Jeon သည်လောက်ထိ ဒေါသထွက်နေတာကို မမြင်ဖူးသော သူ့အဖို့ လွန်တရာကြောက်ဖို့ကောင်းနေလျက်။
"ဒီဟာလား ပိုးကြေးပန်းကြေးပေးတဲ့ ပစ္စည်း"
Taehyungကို ဆွဲခေါ်ရင်း စားပွဲပေါ်က သိုးမွေးထည်ကိုပါ Jeonက လှမ်းယူသည်။
Jeonခေါ်ရာနောက် တရွတ်တိုက်ပါခဲ့သော်လည်း ဘယ်နေရာကို ခေါ်နေမှန်းမသိ။ အရုပ်လေးတစ်ရုပ်လိုပါလာပြီး ခြေလှမ်းတွေကိုတောင် ကိုယ်တိုင်စီမံခွင့်မရှိတဲ့အခါ ခလုတ်ကန်သင်းများကို ရှောင်ရှားခွင့်မရ၊ ခြေထိပ်က အသားနုနုလေးတွေမှာ သူ့အလိုလို ပေါက်ပြဲကုန်တော့သည်။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
