Unicode~
Cambridgeနယ်တစ်ခွင် မြင်းခွာသံတွေ အထပ်ထပ်ကြားနေရသည်။
ထိုအသံတွေမှာ စိတ်အားထက်သန်ခြင်းအပြင် မျှော်လင့်ခြင်း၊ တမ်းတခြင်းတွေကလည်း မဆုတ်မနစ်။
ခရီးမနီးသော်လည်း မြင်းခွာသံတွေ လန်ဒန်မြို့တော်နှင့် နီးစပ်နေခြင်းမှာ သခင်ဖြစ်သူ၏ နှလုံးသားကြောင့် ဖြစ်လိမ့်မယ်ထင်။
နိုင်နေနှင့်ပြီးသား ကစားပွဲတစ်ခုကို ပြိုင်ဆိုင်နေရသည်က ကလေးတော့ဆန်သည်။
ကြီးမြတ်လှပါသော အရှင်Cambridgeကတော့ ဒါတွေကို ထည့်မတွက်ဖြစ်တော့ဘူးထင်ပါရဲ့။
ဟုတ်တာပေါ့.. သူသည်လည်း နှလုံးသားနဲ့ကိုး။
-Lady Phoebe
____
Cambridgeက နယ်အတော်ကျယ်သည်မို့ ရွာငယ်လေးတွေကို တစ်ခုချင်း အမည်မမှတ်နိုင်ရာ။
တစ်ရက်တည်းနှင့် ရွာနီးချုပ်စပ်နှစ်ရွာသုံးရွာဆက်တိုက်သွားရသောအခါ မြင်းနက်ကြီးမှာလည်း အတန်ငယ်ကတ်ချင်လာသည်။ အပြစ်တော့မဆိုသာ.. သူသည်လည်း အသွေးအသားနဲ့ပင်မို့ ပင်ပန်းရှာလိမ့်မည်။
"သခင်ကြီး ဒီနေ့တော့ အိမ်ပြန်နားသင့်ပြီထင်တယ်"
"နောက်တစ်ရွာလောက် သွားဦးမလားလို့"
"ဒီအချိန်သွားရင် ညနက်မှ ပြန်ရောက်လိမ့်မယ်နော်။ ရုံးတွေဂတ်တွေကလည်း သခင်ကြီးလာမှာမသိတော့ ဘာမှအသင့်မပြင်ထားကြဘူးလေ"
Tomပြောတာလည်း မှန်သည်။ တစ်ရွာချင်းစီမှာ အချိန် မကြာသင့်ဘဲ ကြာရသည်မှာ တခြားမဟုတ်.. သူလာမည့်အကြောင်း ကြိုတင်ကြေးနန်းမရိုက်ထားခြင်းကြောင့် ဖြစ်သည်။
သို့ဖြစ်ပေရာ သက်ဆိုင်ရာတာဝန်ရှိသူများသည် ဘာစာရင်းဇယားကိုမှ အဆင်သင့်ပြင်ထားခြင်းမရှိသေးတာကြောင့် ကြာသင့်သည်ထက် ပို၍ကြာတော့သည်။
ဆင်စွယ်ရောင် နောက်မြီးရှည်ကုတ်အင်္ကျီ၏ လက်ဖျံစနှင့် သူ့နှဖူးက ချွေးစချွေးနတွေကို သုတ်ပစ်လိုက်သည်။ ဖုန်တလိမ်းလိမ်းကြား တစ်ရွာနှင့်တစ်ရွာ ကူးသန်းရသောကြောင့် သူ့မျက်နှာက ဖုန်စဖုန်နများဟာ အင်္ကျီလက်မှာ ပေကျံ၏။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfic"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
