Unicode~
အံ့အားသင့်စရာက ယခုလိုကိစ္စကြီးဖြစ်ပြီးချိန်မှာတောင် လက်ထပ်ပွဲအစီအစဥ်က ဆက်ရှိနေတုန်းပါပဲ။
Kimမိသားစုရဲ့ စည်းရုံးသိမ်းသွင်းမှုက အောင်မြင်သည်ဆိုရမလား... Baronမိသားစုက လက်ထပ်ပွဲအတွက် တစိုးတစိမျှ ငြင်းဆန်ခြင်းမပြုခဲ့ကြပါ။
အရာရာပျက်စီးယိုယွင်းသွားလိမ့်မယ်လို့ ခန့်မှန်းထားခဲ့သော်လည်း အရာမယွင်းအောင် ဖြေရှင်းလိုက်ကြသည်ကိုတော့ စာရေးသူဘဝင်မကျ။
ကာယကံရှင်နှစ်ယောက်ကရော ရေငုံနှုတ်ပိတ်နေနေကြဦးမည်လား။ သည်လိုဆို စာရေးသူအားမလိုအားမရဖြစ်မိတာ မမှားဘူး ထင်ပါရဲ့။
-Lady Phoebe
____
"သေချာသွားပြီး တောင်းပန်လိုက်။ အထင်လွဲနေတာပါလို့ ပြောခဲ့.. မင်းကြောင့် ငါက အောက်ကျို့ခဲ့ရတာ ကိုယ့်ထက်နိမ့်တဲ့မိသားစုကို"
မနက်လင်းတာနဲ့ အမေ့ဆီက ဗျစ်တောက်ဗျစ်တောက်အသံကြားရသလို ထိုအသံထဲမှာ သတင်းဆိုးတစ်ခုပါလာသည်။
ကိုယ့်ဘက်က ဘာမှမသိလိုက်ခင်မှာပဲ အမေက သူ့သဘောနဲ့သူ Aliciaတို့အိမ်ကို သွားရှင်းပြခဲ့ဟန်။ ဘယ်လောက်အတိုင်းအတာထိ ရှင်းပြခဲ့မှန်းမသိသော်လည်း လက်ထပ်ပွဲအစီအစဥ်မပျက်သွားပုံထောက်ရင် အတော်လေးရှင်းပြခင်းပြခဲ့ပုံပါပဲ။
ဘာလို့များ ကိုယ်လက်ထပ်မည့်အရေးကို အမေက သည်လောက်ထိ စိတ်အားထက်သန်နေရတာလဲ.. နားမလည်နိုင်တော့။
"လက်ထပ်ပွဲဖျက်လိုက်တာမကောင်းဘူးလား။ ကျွန်တော် လိမ်ပြီးတော့လည်း လက်မထပ်ချင်ဘူး"
"မင်းကောင်းဖို့အတွက်လိမ်တာပါ။ ပြီးတော့ ငါက Aliciaကို သမီးချင်းကိုယ်ချင်းစာတယ်လေ"
"အမေ တစ်ခါမှ သူ့ကို သမီးလေးလို မချစ်ဖူးပါဘူး။ ဘာလို့ လိမ်နေရတာလဲ"
ပတ်ဝန်းကျင်ကလူတွေ.. ဘယ်သူကမှ သူ့ဘက်ကို ထည့်မတွက်ပေးကြပါလား။ သူ့ကို စည်းဝိုင်းအပြင်ဘက်ကလူတစ်ယောက်လိုသာ ဖြတ်ခနဲ ကြည့်သွားကြပြီး သူ့ကို ဦးနှောက်ထဲမှာ နေရာမပေးကြ။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
