Unicode~
ဆောင်းလေတဖြူးဖြူးက အရိုးကွဲအောင့် စိမ့်အေးလို့နေသည်။
လန်ဒန်မြို့တော်မှာ သိုးမွေးကုန်သည်များ အလုပ်ဖြစ်သော ကာလပင်။ Cambridgeမှာလည်း ထိုနည်းတူဖြစ်လိမ့်မည်။
ပိုးကြပန်းကြသည့် ၆လတာကာလလည်း ကုန်ဆုံးပြီဖြစ်သည့်အတွက် စာရေးသူမှာတော့ အလုပ်မဖြစ်။
အတင်းအဖျင်းသတင်းလည်း နည်းလာပြီ မဟုတ်ပါလား။
ဘာပဲဖြစ်ဖြစ် သည်နှစ်ဖြစ်ရပ်တွေက ဇာတ်လမ်းတစ်ပုဒ်လို အတက်အကျများခဲ့သည်ကိုတော့ စိတ်ကြိုက်တွေ့ရပါသည်။
မပြီးဆုံးသေးသော ဇာတ်လမ်းလေးတစ်ခုကိုတော့ စာရေးသူဟာ ဆောင်းတွင်းအေးအေးကြား စောင့်ကြည့်နေဆဲဖြစ်သည်။
ပျော်ရွှင်စရာအဆုံးသတ်မရောက်မချင်း အဆုံးမသတ်နိုင်သေးဘူးမဟုတ်လား..။
-Lady Phoebe
____
အရိုးကွဲအောင် ချမ်းလှပါသည့် Cambridgeရဲ့ ဆောင်းရာသီမှာ ရဲတိုက်အတွင်းက မီးလင်းဖိုတွေကို တစ်ခုမကျန် မီးဖိုထားပါမှ တော်ကာကျသည်။
သတ္ကလတ်ကုတ်၊ လည်စည်းပဝါ၊ မြင်းစီးဖိနပ်ရှည်၊ သားရေဘောင်းဘီ.. ဒါတွေအားလုံးကို တစ်ပြိုင်နက်ဝတ်ထားသည့်တိုင်း အအေးဓါတ်က လျော့မသွားပါ။
သူဟာ သည်လို အေးစက်စက်ရာသီဥတုမှာ Cambridgeရဲတိုက်၏ သေနတ်ပစ်ကွင်းထဲရောက်နေသည်။
ပင်တိုင်သေနတ်ပစ်ဖော် Georgeကလည်း သူနဲ့အတူ။
ကိစ္စတချို့ဖြစ်ခဲ့သော်လည်း ငယ်ပေါင်းတွေဖြစ်တာကြောင့် သူတို့နှစ်ဦးအဆင်ပြေပြေရှိနေကြဆဲ။
"မင်း သူ့ကိုရှာနေတာတော့ သေချာပါတယ်နော်။ နာတာလူးပွဲတော်မတိုင်ခင် မတွေ့ရင် ကိုယ်တိုင်ပဲရှာတော့မယ်"
"Taehyungကိစ္စက မင်းကိစ္စမှမဟုတ်တာ Georgeရယ်"
"မပြောတတ်ဘူးလေ။ ဒါမှမဟုတ်.. ပြိုင်ရှာမလား။ လျင်သူစားစတမ်း"
"Taehyungက လောင်းကစားရုံထဲက ပိုကာချပ်မှ မဟုတ်တာ။ ပြီးတော့ သူက ကိုယ့်ချစ်သူ။ Sorryပဲ George ကိုယ်က Taehyungကို အပိုင်သိမ်းထားပြီးသားလေ"
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
