Unicode~
ညခင်းတစ်ခုမှာ ကိစ္စတွေအများကြီးဖြစ်သွားခဲ့သည်။
ဘာမဟုတ်တဲ့ကိစ္စလေးပါဟု ထင်မိသမျှ နောင်တစ်ချိန်တော့ နောင်တရလိမ့်မည်။
လန်ဒန်မြို့မှာ ဘယ်လူမှုရေးကိစ္စကမှ ပေါ့ပေါ့တန်တန်စာရင်းမဝင်ပါ။ ဒီမြို့ကလူတွေဟာ သူများတကာ၏ လျှို့ဝှက်အပ်သောလူမှုကိစ္စအဝဝကို စိတ်၀င်စားကြပါသည်။
စာရေးသူလည်း ထိုနည်းတူပင်။ သိချင်စိတ်ပြင်းပြခြင်းကြောင့်ပဲ ဒီစာစောင်မျိုးရေးနေသည် မဟုတ်ပါလား။
စာရေးသူအတွက် သူတကာဖုံးကွယ်ထားသည့် လျှို့ဝှက်ချက်တွေက သဘောကျစရာအကောင်းဆုံးပင်ဖြစ်သည်။
-Lady Phoebe
____
ဒီတစ်ခါတော့ Lady Phoebe၏ စာစောင်က Taehyungအား စိတ်တုန်လှုပ်ခြောက်ခြားမှုကို ပေးလျက်ရှိ၏။
ဖြစ်နိုင်လျှင် ညက Aliciaနဲ့အတူရှိခဲ့သော ကိစ္စကို ဘယ်သူမှမသိတာကောင်းလိမ့်မည်။ ဘယ်သူ့ကိုမှရင်ဖွင့်လို့ရမှာမဟုတ်သလို ဘယ်သူ့ကိုမှ ယုံကြည်လို့ရမှာမဟုတ်ပေ။
တစ်မြို့လုံးက အသေးအဖွဲ့ကိစ္စ စစ်စစ်ပေါက်ပေါက်ဟူသမျှကို သိလှပါသော Lady Phoebeဆီတော့ ဒီသတင်းကြီး မပေါက်ကြားသွားပါစေနဲ့။ သူများသိလို့ကတော့ တစ်မြို့လုံးသိသွားရုံသာ ကျန်တော့သည်။
"အစ်ကိုငယ်.. အစ်ကိုငယ်က Cambridge လိုက်သွားရမှာဆို ဟုတ်လား"
သူ့ကုတင်ပေါ်ထိုင်ရင်း စောင့်နေသော Ellenဆီက အသံ။ တစ်အိမ်လုံးနဲ့ အဆင်မပြေဖြစ်နေသော်ငြား Ellenနဲ့တော့ အဆင်ပြေပြေရှိနေသေးသည်။ Taehyungအခန်းထဲကို ဝင်ခွင့်ရသူမှာလည်း Ellen တစ်ဦးတည်းပင်။
Taehyungက Ellenကို အတော်လေးချစ်သည်။ ဖြစ်နိုင်လျှင် သူတစ်ယောက်တည်း တာဝန်ယူပြုစုပျိုးထောင်ပေးချင်တဲ့ သူ့ညီမလေးပင်။
"လိုက်သွားရမှာပေါ့"
"ဟင်.. အရမ်းကြာမှာလား"
Ellenက မကျေနပ်သလိုပြောတော့ Taehyungအလိုလိုပြုံးမိသွားပါ၏။ တစ်ယောက်ကိုတစ်ယောက်နားအလည်နိုင်ဆုံး မောင်နှမတွေမဟုတ်ပါလား။ Kimအိမ်တော်နဲ့ မကိုက်ညီဘူးထင်ခံရသူချင်းအတူတူမို့ Ellenခံစားချက်ကို သိနိုင်ပါသည်။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
