Unicode~
နန်းတော်က လက်ဖက်ရည်ဝိုင်းကို လူတိုင်းစိတ်ဝင်စားမယ်လို့ ထင်ပါတယ်..။
ဘုရင်မကြီးနှင့် Cambridgeနယ်စား၏ တွေ့ဆုံပွဲမှာ ဘာတွေပြောခဲ့သလဲ။
စီးပွားရေး၊ နိုင်ငံရေး၊ လူမှုရေး ပြောစရာကို အများကြီးပေါ့။
ဘယ်ခေါင်းစဥ်က အဖြစ်နိုင်ဆုံးဖြစ်မလဲ။
စာဖတ်သူတို့ အမြင်ကိုလည်း နားစွင့်နေပါသည်။
စာရေးသူကိုယ်တိုင်လည်း ဒီအကြောင်းချင်းရာကို သိဖို့ရာ အခက်အခဲတချို့ရှိနေသည်။
အတွင်းစကားဆိုသည်က ကြားဖို့ရာခက်သည်မဟုတ်ပါလား။
ကျွန်ယုံတစ်ယောက်တောင်အနားမှာမထားခဲ့တဲ့ လက်ဖက်ရည်ဝိုင်းကစကားတွေကို စာရေးသူသိရလျှင်သိရချင်း မျှဝေပေးပါဦးမည်။
-Lady Phoebe
____
Cambridge နန်းတော်ထဲဝင်တော့ လက်ဖက်ရည်ချိန် ကွက်တိ။
အချိန်တိကျမှ သဘောကျတတ်သော ဘုရင်မကြီးကို မျက်နှာလုပ်ရခြင်း တစ်မျိုးတစ်မည်။
"ဘုရင်မကြီး ဖိတ်ထားလို့ပါ"
ဧည့်ခန်းမဆောင်ထဲ မဝင်ခင် စောင့်နေသော မှူးမတ်ကို ပြောသည်။ မှူးမတ်ကြီးက အရပ်မြင့််မြင့်၊ ခန္ဓါကိုယ်ဝဖိန့်ဖိန့်၊ ဆံပင်ဖြူဖြူကောက်ကောက်က အခွေလိုက်ကျနေသည်။
"ဘုရင်မကြီး စောင့်နေပါတယ် အရှင်"
ထိုမှူးမတ်ကြီးကလွဲရင် ကျန်တဲ့မှူးမတ်ငယ်တွေက သူ့ကို ယောင်လို့ပင် မော့မကြည့်ရဲ။
တော်ဝင်အဆင့်အတန်းအရဆို ဘုရင် ဘုရင်မနှင့် မင်းညီ မင်းသားပြီးရင် 'Duke' ဟူသော နယ်စားမျိုးရိုးက အမြင့်ဆုံး။
သူကောင်းမျိုးရိုးအရဆို သူကသာ ထိပ်ဆုံးမှာ။
'Duke' နောက်မှာတော့ Marquess, Earl, Viscount နှင့် Baronဟူ၍ အဆင့်ဆင့်ရှိသည်။
အခေါ်အဝေါ်အရဆိုလျှင်တောင် 'Duke' ကသာ 'အရှင်' ဖြစ်၍ ကျန်အဆင့်များက 'လူကြီးမင်း' ဟူ၍သာ။
ဧည့်ခန်းဆောင်ထဲမဝင်ခင် အင်္ကျီကော်လာကို တစ်ခိက်ပြင်လိုက်ပြီး ခက်အုပ်အုပ်ချောင်းဟန့်လိုက်သည်။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
