Unicode~
ကာယကံရှင်မပါသော်လည်း သဘောတူညီမှုနှင့် ကတိတစ်ခုမှာ ဖြစ်သွားပြီးသား။
တစ်လအတွင်းဖြစ်စေရမယ်ဆိုတဲ့ ကတိက၀တ်တစ်ခုနှင့် မင်္ဂလာပွဲ။ ဖြစ်လာမည်မဖြစ်လာမည်ထက် ဘေးလူတွေကတော့ အဆင်သင့်ဖြစ်လို့နေပြီ။
သခင်လေး၏ မျက်နှာက လန်ဒန်ပြန်ရောက်လာကတည်းက ညှိုးငယ်လျက်ရှိသည်။ ဤလက်ထပ်ပွဲကလွဲရင် မည်သည့်အရာကမှ သခင်လေးအတွက် စိတ်ရှုပ်ထွေးစရာဖြစ်လိမ့်မယ်မထင်။
လက်ထပ်ပွဲတစ်ခုဖြစ်ဖို့ရာ အရေးကြီးအခန်းကဏ္ဍဖြစ်သော တွယ်တာစုံမက်ခြင်းကို သခင်လေးကျော်ခဲ့ရသည်။
နောက်ပြန်လှည့်ချင်လို့မရတော့။
သူ့ရင်ထဲက အချစ်စစ်ဆိုတဲ့ပန်းကလေးဟာလည်း တိတ်တဆိတ်ပင် ညှိုးနွမ်းသွားရတော့မည်။
-Lady Phoebe
____
"ကျွန်တော် Alicia နဲ့ သီးသန့်စကားပြောချင်လို့ပါ။ ခေါ်သွားလို့ရမလား"
"ခေါ်သွားပါကွယ်.. ရပါတယ်"
လန်ဒန်မှာ ဖြစ်ပျက်သွားသည့်ကိစ္စတို့ကို Aliciaနဲ့ သီးသန့်ရှင်းမှသာ ဖြစ်ချေတော့မည်။ အမေတို့ကို တဖွဖွမေးသော်လည်း အကန်စကားချည်းသာထွက်လာသည်မို့ သူလက်လျှော့လိုက်ရတော့သည်။
နောက်ဆုံး မျှော်လင့်ချက်က Alicia. အားနာသော်လည်း၊ မေးရမှာ အရှက်မဲ့သော်လည်း မတတ်နိုင်။
အနည်းဆုံး ကိုယ်လက်ထပ်ရမည့် အကြောင်းအရင်း ဇစ်မြစ်ကိုတော့ ကိုယ်သိထားဖို့ လိုပေသည်။
Aliciaနဲ့ အေးအေးဆေးဆေးစကားပြောချင်သည် ဖြစ်တာကြောင့် လူရှင်း၍ တိတ်ဆိတ်သောနေရာကိုသာ ခေါ်ခဲ့သည်။
လန်ဒန်၏ မြို့လယ်ခေါင်နှင့် ဆင်ခြေဖုံးရပ်ကွက်တစ်ခုကြားက ကွင်းပြင်ကျယ်ကြီးဖြစ်ပြီး သစ်ပင်ကြီးတစ်ပက် အုပ်အုပ်ဆိုင်းဆိုင်း။
ထိုအပင်၏ နာမည်ကိုတော့ သူတို့နှစ်ယောက်လုံး မသိ။
အပင်အောက်မှာ မြင်းနှစ်ကောင်ကရပ်လိုက်ပြီး လူနှစ်ယောက်ဆင်းလာသည်။
လန်ဒန်၏ ရာသီဥတုက သည်လို နေ့ခင်းပိုင်းဆို ပူစပ်စပ်.. လေပူတွေက အဆက်မပြတ်တိုက်ခတ်လျက်။ အပေါ်ကုတ်အင်္ကျီရှည်မ၀တ်ခဲ့တာကြောင့် Taehyung၏ ရှပ်အင်္ကျီရှည်ပွပွလေးဟာ လေပြင်းနှင့်အတူတူ တဖြတ်ဖြတ်လွှင့်လျက်။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
