Unicode~
ဒီနှစ်တော့ Viscount Kim အိမ်တော်မှာ လက်ထပ်ပွဲနှစ်ခုဖြစ်ပေတော့မည်။
The Duke of Cambridgeဟာ Elizaကို နေ့စဥ်ရက်ဆက်ပိုးပန်းမြဲဖြစ်သလို Kimအိမ်တော်၏ မိသားစုညစာစားပွဲမှာတောင် လက်ရည်တစ်ပြင်တည်း သုံးဆောင်ခဲ့သလို ခပ်ပျော်ပျော် ခပ်ပေါ့ပေါ့နေတတ်သော Kimအိမ်တော်၏ ဒုတိယသားဖြစ်သူ Taehyungဟာလည်း လက်ထပ်ဖို့ရန်အတွက် စိတ်ဝင်စားစပြုလာပြီ ထင်ပါရဲ့။
မနေ့ကမနက်မှာ Kim Taehyungတစ်ယောက် မိန်းမလှလေးတစ်ယောက်ဆီ ပန်းခြင်းတစ်ခြင်းနဲ့ သွားခဲ့ကြောင့် Soho Squareတစ်ခုလုံးသိနေကြပြီ။
ဒီလိုသာဆို Kim အိမ်တော်မှ မင်္ဂလာနှစ်ပွဲ ဆက်ချေတော့မည်။
-Lady Phoebe
____
"ဒီမိန်းမကြီးကလည်း ငါတို့အကြောင်းကလွဲရင် ရေးစရာအတင်းအဖျင်းမရှိတော့ဘူးလားမသိဘူး"
မဖတ်ရလည်း မနေနိုင်၊ ဖတ်တော့လည်း ငြိုငြိုငြင်ငြင်။ ဒီစာရွက်တွေ သယ်သယ်လာသူက Ellen. Taehyungက Ellenခိုးသယ်လာသမျှ Lady Phoebeစာစောင်တွေကို မရမကတောင်းယူ၍ ဖတ်တတ်သည်။
ကောလာဟာလစာစောင်ဆိုသည့်အတိုင်း လန်ဒန်မြို့ကြီး၏ လူမှုရေးအရှုပ်အရှင်းနဲ့ အတင်းအဖျင်းက ခပ်များများ။ လက်ထပ်ရေးရာသီရောက်နေပြီလည်း ဖြစ်တာကြောင့် ဒီလိုစာစောင်မျိုးက အင်မတန်မှ ရောင်းအားသွက်သည်။
Lady Phoebeဆိုသော မိန်းမကြီး၏စာစောင်တွေမှာ သတင်းစုံလှသော်လည်း နေ့စဥ်ပါသော သတင်းက The Duke of Cambridgeအမည်ခံ ကျွန်တော့်၏ အသည်းနာလှစွာသော Jeon JungKookအကြောင်း။
မကြာခင်လပိုင်းအတွင်း Cambridgeကိုပြန်ရမည့် Jeonအတွက် အိမ်ထောင်ဖက်လောင်းလျာအဖြစ် တစ်ပြေးနေသည်က ကိုယ့်ရဲ့ ညီမဖြစ်သူ Eliza.
ဒီသတင်းကြီးက လန်ဒန်တစ်မြို့လုံး ဟိုးလေးတကျော်ကျော်မို့ Kim Taehyungတို့ မကြားချင်မှအဆုံး.. မကြားချင်လည်း အောင့်အည်းသည်းခံ နားထောင်နေရသော သတင်း။
"အစ်ကိုငယ်.. ဖတ်ပြီးရင်လည်း ပေးတော့လေ။ နောက်နေ့ကျ ဖတ်ချင်ရင် ကိုယ့်ပိုက်ဆံနဲ့ကိုယ်ဝယ်ဖတ်"
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
