Unicode~
အချိန်တွေက ကုန်တာမြန်လွန်းသည်။
ဒီနှစ်ရာသီကလည်း မနှစ်ကလိုပဲ ဇာတ်လမ်းအမျိုးမျိုးနဲ့ စိတ်ဝင်စားစရာကောင်းခဲ့ပါသည်။
၆လတာ လက်ထပ်ရေးရာသီကြီး ကုန်တော့မယ်ဆိုတော့ မကြာခင်ပိုးပန်းတဲ့အဆင့်တွေကုန်ပြီး အတည်တကျ လက်ထပ်ပွဲတွေ လာတော့မည်။
စာရေးသူနဲ့ စာဖတ်သူတို့ကြား အင်မတန်ရေပန်းစားခဲ့သော လက်ထပ်ပွဲနှစ်ခုကတော့ အလိုလိုနေရင်း ပျက်သွားခဲ့လေပြီ။
ဘယ်သူ့ကိုမှ အပြစ်မဆိုသာပါ.. အချစ်မရှိတဲ့အိမ်ထောင်ရေးဆိုတာ မစခင်က ပျက်စီးတာ အကောင်းဆုံးပါပဲလေ..။
-Lady Phoebe
____
ဘုရင်မကြီးကို လူလိမ်လူညာလို့ မစွပ်စွဲရက်သော်ငြား တစ်ချိန်တည်းမှာပင် သူဟာ Taehyungကို သံသယမဝင်ချင်ပါ။
Taehyungဟာ သူကလွဲပြီး ဘယ်သူနဲ့မှ အိပ်ယာပေါ်ကဆက်ဆံရေးမျိုးရှိလာမှာမဟုတ်ဘူးလို့လည်း တစ်ထစ်ချယုံကြည်ချင်နေဆဲဖြစ်၏။
လက်မထပ်လို့မရဘူးဆိုပြီး အတင်းစီစဥ်နေကြတာရဲ့ နောက်ကွယ်ကကိစ္စက ဒါလား။ ဒါကြောင့်ပဲ Aliciaကို လက်ထပ်မှဖြစ်မယ်လို့ ဆိုလိုတာလား။
ဘုရင်မကြီးက တစ်မြို့လုံးသိတဲ့ကိစ္စလို့ပြောလိုက်ပေမယ့် တစ်မြို့လုံးကို လိုက်မေးနေလို့ကောင်းတဲ့ကိစ္စတော့မဟုတ်ပေ။
ဘယ်လိုအိမ်တော်ကို ပြန်ရမလဲ။ အိမ်တော်မှာ Taehyungကို ထားခဲ့တယ်လေ။ ဘယ်လိုမျက်နှာချင်းဆိုင်ပြီး ဘယ်လိုစကားစပြောရပါ့မလဲ။ အတည်တကျမသိတဲ့ကိစ္စနဲ့ပတ်သက်ပြီး သောင်းကျန်းလိုက်ဖို့ရာကလည်း အသိမဲ့လွန်းရာကျသည်။ သည်အတိုင်းကျော်သွားလိုက်ရအောင်လည်း ကိုယ့်စိတ်ထဲအစိုင်အခဲတစ်ခုစဖြစ်နေပြီ..ဘယ်လိုမှအဆင်ပြေနိုင်မှာ မဟုတ်။
"Mr. Owenရှိပါသလား"
"ရှိပါတယ်။ ခဏစောင့်နော် ကျွန်မခေါ်ပေးမယ်"
Owenအိမ်တော်ကို ပထမဆုံးရောက်ဖူးခြင်းဖြစ်သည်။ အနုပညာခန်းထဲမှာပဲ တွေ့လေ့တွေ့ထရှိတာကြောင့် ယခုလို အိမ်တော်ထဲအထိရောက်လာပြီး စကားစမြည်မပြောဖူးပါ။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
أدب الهواة"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
