Unicode~
The brighter he shines, the sooner he burns..
သိပ်လှပြီး အဆိပ်ပြင်းသလို အမှန်တရားတွေ ပါဝင်နေတဲ့ စကားစုလေးပါပဲ။
လူတစ်ယောက်သိပ်တော်နေလျှင်၊ သိပ်ထင်ပေါ်နေလျှင် ပျက်စီးဖို့ရာအခွင့်အရေးက ပိုများလာတတ်သည်။ စာရေးသူ မကြာခဏပြောလေ့ရှိသော စကားလေးပါ။
ယခုတစ်ခါတော့ဖြင့် တောက်ပလောင်ကျွမ်းမည့်သူက ကိုယ်တိုင်မီးမြှိုက်စပြုလို့နေလေပြီ။
ဘယ်အချိန်ဘယ်အခါ ပေါက်ကွဲလောင်မြိုက်မည်မှန်း အတိအကျမသိရသော်လည်း တစ်ချိန်ချိန်တော့ဖြစ်လာလိမ့်မည်။
အရှင်Cambridgeအတွက် စာရေးသူ ကံကောင်းပါစေဟူ၍သာ ဆုတောင်းလိုက်ရပါသည်။
-Lady Phoebe
____
အိပ်မက်ထဲမှာတော့ သူဟာ မြင်းခွာသံတွေကို ကြားနေရတာပါပဲ။ ကျောက်စရစ်လမ်းမပေါ်က ပြေးလွှားနေတဲ့ မြင်းနက်ကြီး၏ ခြေလေးဖက်ကိုလည်း မြင်နေရသည်။
မြင်းခွာတစ်ချက်ပေါက်တိုင်း လွှင့်စင်လာတဲ့ ကျောက်စကျောက်နတွေကြား တိုတိနေအောင်ဖြတ်ညှပ်ပုံသွင်းထားသော မြက်ခင်းစိမ်းစိမ်းကို တွေ့ရသည်။
လန်ဒန်မြို့တော်အဝင်လမ်းနဲ့ တူလိုက်တာကွယ်..။
အိပ်မက်ဟာ ကန့်လန့်ကာနောက်ကွယ်က ပြဇာတ်လို မနက်ခင်းနှင့်အတူ ပြီးဆုံးသွားသောအခါ သူဟာ မောဟိုက်၍ နိုးထလာရသည်။
ရင်ဘတ်အစုံကို လက်ဖဝါးဖြင့် ဖိနှိပ်အုပ်ကိုင်ကာ အသက်ရှူမှန်အောင် ကြိုးစားနေရသည်။
အိပ်မက်တစ်ခုပါ.. ဘယ်တော့မှ ဖြစ်မလာနိုင်တဲ့အိပ်မက်။ သူ့ဆီ Jeonရောက်လာဖို့တဲ့လား။ မြင်းနက်ကြီးဟာ သခင်မပါဘဲ လန်ဒန်ထိရောက်လာနိုင်ပါရဲ့။
သေချာတာတော့ Jeonက သူ့ဆီလိုက်လာမှာမဟုတ်။
ကတောက်ကဆတွေဖြစ်ပြီး ထားခဲ့သူက သူပဲမဟုတ်လား။ ဘာတွေများ အထွန့်တက်ပြီး မျှော်လင့်နေရဦးမှာလဲ။ သည်လိုမျှော်လင့်ချက်တွေကလည်း သူလက်လှမ်းမမီနိုင်တဲ့နေရာမှာ။
Jeonသာ ကိုယ့်ကိုစိတ်ဆိုးနေလျှင် စိတ်ဆိုးနေသည့်အတိုင်းပဲရှိပါစေတော့။
အဆောတလျင် ဖြစ်သွားတဲ့ လက်ထပ်ပွဲနှင့်အတူ ကိုယ့်ကိုပါ နာကျည်းပါစေတော့။ ကိုယ့်ဇစ်မြစ်အဆင့်အတန်းက Jeonနာကျည်းဖို့ရာတောင်မတန် နိမ့်ကျလွန်းပါသည်လေ။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
