Unicode~
ဘယ်သူက ထင်မှာလဲ... ထိုညက ထိုမိန်းကလေးနဲ့ နှစ်ယောက်တည်းရှိခဲ့မယ်လို့။
စာရေးသူကိုယ်တိုင်လည်း သည်အကြောင်းကို သိသိချင်းမှာ အံ့ဩထိတ်လန့်မိတာ အမှန်။
နှစ်ဦးနှစ်ဖက် သိက္ခါကို ထိန်းသောအားဖြင့် ဆိတ်ဆိတ်နေသင့်သော်လည်း Lady Phoebe၏ ကောလာဟာလစာစောင်မှာ လျှို့ဝှက်ချက်ဆိုတာတွေ မရှိစေချင်ပါ။
Baronမျိုးနွယ်မိန်းကလေးနှင့် Viscountအိမ်တော်က တစ်စုံတစ်ယောက်ဟာ တစ်ညတာကို အတူကုန်ဆုံးဖူးသည်မှာ ဧကန်ပင်ဖြစ်သည်။
-Lady Phobe
____
"ချက်ချင်း လန်ဒန်ပြန်လာပြီး Aliciaနဲ့ လက်ထပ်ဖို့ပြင်ပါ"
စာကို ဤသို့စထားပြီး ကျန်သည့်အကြောင်းအရာများကလည်း ဘာကိုမှ ထဲထဲဝင်ဝင်ရှင်းပြထားသည်မရှိ။ Taehyung မည်မျှအသုံးမကျကြောင်း၊ မည်မျှအရှက်ခွဲကြောင်း၊ မည်သို့မိသားစုသိက္ခါချကြောင်းကိုသာ စီကာပတ်ကုံး ထပ်တလဲလဲရေးဖွဲထားသည်။
ဘာကိုမှ မရှင်းပြထားသော်လည်း Taehyung အလိုလို သဘောပေါက်လိုက်သည်က သူနဲ့ Alicia တစ်ညတာ အတူတူရှိခဲ့သည့်သတင်းပေါက်ကြားခြင်းပင် ဖြစ်ရမည်။
ဘယ်သူဆီကလဲ.. ဘယ်သူ့ဆီက ပေါက်ကြားတာဖြစ်မလဲ။ Aliciaနဲ့ သူက နှစ်ဦးသဘောတူဇာတ်လမ်းရှင်းပြီးသားလေ။ ဘယ်သူကများ ကြားထဲက ခလောက်ဆန်လိုက်ပြန်ပြီလဲ။
"Taehyung ဘယ်သူ့စာလဲ။ ဘာရေးထားတာလဲ ပြစမ်း"
"ဟင့်အင်း.. မဖတ်နဲ့"
"ကိုယ် သိပ်စိတ်ရှည်နေတာမဟုတ်ဘူးနော်.. ပေးစမ်း အဲ့ဒီစာ"
Taehyung ကျစ်ကျစ်ပါအောင်ဆုပ်ကိုင်ထားသော စာရွက်ကို Jeonက အတင်းပင်ဆွဲလု၍ ဖတ်သည်။ စာတစ်ကြောင်းဆုံးတိုင်း မျက်ခုံးနှစ်ဖက်က ပိုလို့နီးကပ်လာလေသည်။
"မင်းက ဘာလို့ Aliciaနဲ့ လက်ထပ်ရမှာလဲ.. ဘာလို့စာကို ဒီလိုရေးထားရတာလဲ"
"ဟင့်အင်း.. ကျွန်တော်မသိဘူး။ ကျွန်တော်သိတာ ကျွန်တော် လန်ဒန်ပြန်ရမယ်ဆိုတာပဲ"
Taehyung ဝရုန်းသုန်းကားဖြင့် လှေကားထစ်တွေကို ကျော်တက်သွားသည်။
မနက်ဖြန်မနက်စောစော လန်ဒန်ကို ပြန်မှကိုဖြစ်မည်။ Aliciaကို တန်ဖိုးမထား၍ မဟုတ်သော်ငြား လက်မထပ်နိုင်သေး။ သည်လို လွန်လွန်ကျူးကျူးအခြေအနေအထိ ထွက်လာသော ကောလာဟာလကိုလည်း လက်မခံနိုင်ရှိလှသည်။
YOU ARE READING
𝙏𝙝𝙚 𝘿𝙪𝙠𝙚, 𝙏𝙝𝙚 𝙍𝙖𝙠𝙚
Fanfiction"You're the most rakish person I've ever seen" "That's why you're here with me..now" "That's right.I hate you about that but 'm attracted to you at the same time" "All good boys go to heaven but here's a rake who brings heaven to you" Kookv JJK x KT...
