بسم الله الرحمن الرحيم
قد تكون الكتابه اعظم اختراعات الانسان ،
فهي تجمع الذين لم يعرفوا بعضهم يوما
و سكنوا عصورا و اماكن مختلفه
كارل ساجان
└|∵|┐♪♪┌|∵|┘♪ └|∵|┐♪♪┌|∵|┘♪ └|∵|┐♪♪┌|∵|┘♪
في ذلك الزقاق المألوف صدحت صوت اغنيه شهيره
سواح ، و ماشي في البلاد سواح
و الخطوه بيني و بين حبيبي براح
مشوار بعيد و انا فيه غريب
و الليل يقرب و النهار رواح
سواح و ماشي في البلاد سواح
و الخطوه بيني و بين حبيبي براح
مشوار بعيد و انا فيه غريب
و الليل يقرب و النهار رواح
و ان لقاكم حبيبي ، سلمولي عليه
و ان لقاكم حبيبي ، سلمولي عليه
طمنوني الاسمراني عامله ايه الغربه فيه
جلس ريان و صوت الاغنيه العالي يتردد في اذنه ليجلس ارضا و هو يفرك عينيه و فور ما استوعب الامر وجد ان الظلام لا يزال يحيط المكان و انتقل بأنظاره في المكان ليجد رجلا ما
ذو لحيه بيضاء طويله و شعر طويل مشعت و من ملابسه الباليه تستطيع معرفه انه متسول ، و لكن الغريب في الامر هو ذلك الراديو الصغير الذي يحاوطه كأنه شئ ثمين و نظراته المثبته علي ريان جعلت القشعريره تدب في اوصاله
جلسوا هكذا يتبادلون النظرات ليقول الصغير بتساؤل : انت مين ، رد الاخر بشرود : سواح
كان الصغير يحاول فهم ما قال ليردف باستغراب : يعني ايه ، نظر له المتسول ليتغنى بكلمات الاغنيه : سواح و ماشي في البلاد سواح و الخطوه بيني و بين حبيبي براح ، مشوار بعيد و انا فيه غريب و الليل يقرب و النهار رواح ، سواح
كان ريان يستمع له بتركيز ليقول بتساؤل: يعني انا كمان سواح ، زيك
نظر له العجوز بتفحص لينطق : كله مقدر و مكتوب و لو انا سواح طول العمر فأنت سواح نص عمرك من بعدي و هي كمان سواحه كلنا سواحين
كان ريان مستغربا من هيأته فكلامه عميق و يصعب علي طفل في مثل عمره ان يدركه ل يسأله بحذر : و ايه الحل ، انا تعبت و هما كمان تعبوا و لأمتي هفضل سواح كده و انت كمان لحد امتي هتفضل كده
ابتسم الرجل لتظهر اسنانه الصفراء و اجابه : انت هتفضل سواح لحد ما تموت بالحيا و هتبعد غصب عنك لحد ما تتهلك و هتدور و مش هتلاقي بس مصيرك في يوم ترجع و تلقاها ، اما بالنسبه لي فأنا اتكتب عليا ابقي سواح في الدنيا و ال ...
ظهرت علامات الاستفهام فوق رأس الصغير الذي استغرب من عدم تكمله الرجل لكلامه و قبل ان يتكلم وقف الرجل و مشى الي اول الزقاق ليقول للطفل قبل رحيله : البقاء لله يا ابني ، ربنا هيعوضك و افتكر ان مصير القلوب تتلاقي و هيطول الغياب بس هيتجمعوا الاحباب و هيزيد الوجع و يصم السمع و يجف الدمع بس هتتلاقوا و ساعتها ابقي افتكرني
أنت تقرأ
الشرود
Aventuraلطالما كان الوالدان خير رفقاء لاطفالهما ، فالام ترعي الابناء و الاب يسعي لسعادتهم ، لكن ماذا عن الحالات الشاذه حيث يتخلي الاب عن الابن و تطمع الام في حياه الرفاهيه ف يمضون تاركين ورائهم طفل بقلب منفطر ... حيث الظلام و النور ، الحراره و البروده حيث...
