اسكريبتات روان أحمد ♥️

اسكريبت 1

لو سمحت ممكن تركب التوكتوك التانى وانا هركب دا .

ـ اشمعنا يا آنسه.؟؟

ـ بتوتر وإحراج :ااصل انا عارفه دا لانه كان معايا فى المدرسه وهركب معاه وبخاف اركب مع ناس ماعرفهومش لانى لوحدى كمان فـ لوسمحت يعنى تخلينى اركب دا .

ـ تمام يا انسه نزل وركبت، كل اللى دار قصاد عبدالله زميلى دا احيه انا مكسوفه دلوقت اعمل ايه ...
اتكلم :رايحه فين .
ـ بتوتر :صحيح انا نسيت اقولك ،رايحه ....
ـ تمام .
كان يوم ابيض يوم ماروحت المشوار دا لوحدى وكان الصبح بدرى وكنت متفقه مع ندى صاحبتى وانا اصلا بخاف اركب اى مواصله لوحدى ولان انا وندى اخر مره كنا راكبين سوا وكنا هنتخطف فحلفنا اننا بعد كدا نركب مع ناس نعرفهم ولو مفيش بنمشى احسن ".
ابتسم وبص فى المرايا واتكلم :قولتى ان انا زميلك فى المدرسه صح .
يكسوفى :احم اه فى الابتدائى .
ـابتسم وقال : ولسه فكرانى .
ـ يختاااى ياريت ارضيه التوكتوك تنشق وتبلعنى :ما ه هو علشان شكلك ما اتغيرش بس انا اكيد اتغيرت .
ـ فعلا البنات بتتغير انتى مين بقا؟؟
ـ عزه إبراهيم .
ـ اه عزه افتكرتك فعلا شكلك اتغير واحلويتى .
ـ اتكسفت وسكتت.
ـ هو ممكن اخد رقمك يعنى علشان لو عوزت اروح مشوار تانى ارن عليك .
ـ ابتسم :اه اتفضلى .
حفظت الرقم وقولتله شكرا ليك .
قالى :عبدالله .
بتسرع :عارفه .
ـ ابتسم وقال :انتى ليه بتخافى تركبى مع حد غريب .
ـ ضحكت وقولت :اصل قبل كدا كنت هتخطف انا وصحبتى وكان يوم استغفر الله يعنى .
ـ ضحك وقال : علشان كدا خلاص بعد كدا رنى عليا فى اى وقت وانا هوصلك للمكان اللى انتى عايزاه .
ـ تسلم يا عبدالله .
ـ وصلت وقبل ما انزل دفعت الاجره رفض ياخدها ،اتكلمت بغضب طفيف:انت لو رفضت تاخدها والله ماهرن عليك وياله لما اتخطف تانى يبقى ذنبى عندك .
ـ ضحك وانا حطيت الفلوس فى رف كدا والتفت علشان امشى نادى عليا ..
رجعت ليه وقولت :نعم .
ـ ابقى رنى عليا علشان ابقى اجى اخدك اوصلك .
ـ ابتسم وقولت :تمام هرن قبليها بـعشر دقايق علشان لو معاك حد تعرف وتوصله وتيجى .
ـ ابتسم :تمام .
روحت اشتريت كام بلوزه على 2 بنطلون جينز وطرح تليق على الاطقم و رنيت على عبدالله وعرفته انا واقفه فين وهو قالى 5 دقايق وجاى .
"عقبال لما يجى اروح اشترى 2 عصير قصب واحد ليا والتانى ليه حرام الجو حار وهو قاعد فى التوكتوك اكيد بيكون عايز حاجه ساقعه و وإيه اللى بقوله داااا .
ـ وقفت على جنب لقيت شاب جاى ناحيتى وبيقول :هو القمر بيطلع بالنهار وانا ماعرفش .
مشيت خطوتين واتجاهلت كلامه ..
جيه ورايا وقال :الجميل ماله تقلان علينا ليه بس .
ـ ولتانى مره مشيت وسبته وقفت بعيد عنه .
جيه ورايا تانى بس المرادى اتجرأ ومسك إيدى وقال:هو القمر زعل مننا ولا ايه ..
شيلت أيدى من إيده بعنف وقولت :انت انسان مش محترم ازاى تتجرأ وتمسك ايدى انسان زبـ...ـاله .
ـ سبته ومشيت وانا عيونى بتدمع لقيت عبدالله جيه واول لما شافنى نزل من التوكتوك وجيه عليا :مالك فيكى إيه حد ضايقك .
ـ بصيت لقيت البنى ادم دا لسه واقف فخوفت يحصل مشاكل بين عبدالله وبينه ".
روحت ابتسمت وقولت الجو عفره بس واتلاقى حاجه جت فى عينى .
ابتسم وقال يالا.
مشيت وراه لقيت اللى بيقول :وعامله علينا المحترمه وبتتقلى علينا وفى الاخر ماشيه مع دا .
عبدالله سمع كدا والتفت ناحيته وقال :انت بتقول الكلام دا لمين ياله..
ـ بـبجاحه : اللى عامله محترمه وهى مدوراها طب هى جات عليا يعنى يامـزه .
ـ عبداله راح هجم عليه وضربه وبدات الخناقه والشتايم بين الطرفين عبدالله بص ناحيتى وزعق وقال :روحى اقعدى فى التوكتوك يالااا فضلت اعيط وسمعت كلامه وبعد فتره الناس اتدخلت وفضوا العركه ..
ـ جيه وكان متعور فى قورته وايده و شفته مفتوحه .
جيه ركب وساق وفضل ساكت وانا فضلت اعيط وصوت شهقاتى كان عالى ،اول لما سمع صوت شهقاتى وقف على جنب ولف ناحيتى واتكلم بعصبيه : كفايه عياط بتعيطى ليه دلوقت.
ـ انتفضت من مكانى علشان اتخضيت من نبره صوته العاليه وعياطى زاد واتكلمت بصعوبه ما بين شهقاتى وقولت :ع علشان حصلك مشاكل بسببى و واتعورت بسببى .
ـ اتكلم بعصبيه خفيفه : انتى ماقولتيش ليه من الاول انه ضايقك .
ـ علشان خوفت عليك .
ـ سمعنى ورجع كمل سواقه هديت شويه واتكلمت :ممكن تركن عند اقرب صيدليه .
ـ اتكلم بخضه :ليه انتى اتعورتى او حصلك حاجه .
ـ لا بس انت متعور .
ـ انا مش مهم،المهم انك كويسه .
ـ جايه ابص لقيت ايدى متعوره مطرح السكينه وانا بقطع بطاطس ،روحت قولتله انا لقيت انى متعوره فى ايدى .
فى اقل من ثانيه كنا فى الصيدليه .
حطيت الحاجه فى التوكتوك ودخلنا الصيدليه .
اتكلمت :لو سمحتى عايزه شاش وقطن ومطهر وبصيت لعبدالله وقولتله ممكن تطلع برا دقيقه .
ـ ليه ؟؟
ـ اطلع بس طلع وانا دفعت الحساب علشان لو كان واقف كان هيرفض ،طلعتله قعد فى الكرسى بتاعه وانا ورا وقولتله لفيلى وشك .
ـ ليه ؟؟. _ هو ايه اللى ليه علشان اطهرلك الجروح دى .
ـ لقيته لف بهدوء بدأت اطلع القطن وحطيت المطهر على القطن وبدأت احط مطهر على الجروح كنت مركزه فى اللى بعمله لانه باصصلى وانا بتوتر لما حد يبصلى بس قد إيه ملامحه بريئه ولطيفه ،خلصت وشه اتبقى شفته جبت مطهر وقطنه ودهنت براحه علشان ما يتألمش وهو كان مركز معايا ... جماعه حد يقوله انى بتكسف .
خلصت وحبيت افك الجو وقولت :تعرف ايه اللى جابنا ورا كدا .
ـ ابتسم وقال:ايه . - عصير القصب الفقر دا اتلاقيه اسود بس هنشربوه خد يالا اشرب بتاعك .
ـ لا شكرا مش عايز . -يعنى متشلفط بسببى ومش عايز عصير حتى انا عامله حسابك من الصبح معايا .
ـ ابتسم وخده :شكرا على القصير .
ـ العفو وصلنى لحد البيت دخلت البيت مهدوده وطبعا لازم البيت كله يعرف بالى حصل .

عدى اسبوع رنيت عليه لان مرات اخويا ولدت وعايزه اجيب لسليم حبيب عمتو هديه .
ـ الو .. -الو عامله ايه .
ـ الحمد لله انت اخبارك ايه. _ الحمد لله بخير هتروحى فى حته .
ـ اه هنزل اشترى هديه لابن اخويا .
ـ الف مبروك. -الله يبارك فيك ،فاضى كمان نص ساعه تيجى تاخدنى .
ـ ولو مش فاضى افضالك . - تسلم ، خلاص كمان نص ساعه ابقى اضرب كام كلاكس علشان اعرف وانزلك .
ـ تمام ماشى سلام. -سلام .
عملت حسابه معايا فى السبوع وضرب كلاكس روحت نازله .
اديته الكيس وقولتله :ليك وللعيله .
ـ اخده وقال :عقبالك . -الله يخليك .
روحت وهو مشى وانا جبت الهديه ورنيت عليه علشان يوصلنى تليفونه مغلق.
اتضايقت لانى هاخدها مشى ،فضلت اتمشى اصل المسافه بين المكان وبيتنا حوالى نص ساعه مشى ، فضلت اتمشى لحد اما تعبت قعدت على جنب شويه وبعد دقايق لقيت اللى بيضرب كلاكس بصيت لقيته هو ،روحتله وقالى :مارنتيش ليه . -على فكره تليفونك مغلق .
ـ افتكر وقال :انا اسف والله بس فصل شحن .
ـ عادى ولا يهمك.
ـ ركبت وروحت عدى اكتر من شهرين ولا بروح فى حته قاعده على السرير فاتحه نت لقيت صفحته بقيت ادخلها كل 5 ثوانى اصل انا "حبيته يا خالق ".
ـ كنت قاعده كالعاده فاتحه صورته لقيته بيرن اتخضيت ثانيه 2 3 رديت .... ـ الو.
ـ الو عامله ايه. _ الحمد لله تمام انت عامل ايه.
ـ بخير الحمد لله محدش بيشوفك ليه .
ـ عادى والله بس مش بخرج من البيت .
ـ ليه انتِ تعبانه . _ انا بخير والله .
ـ طب ممكن اقولك حاجه .
ـ قول .
ـ انا بحبك .
سكوت تام عم على المكالمه اكتر من عشر دقايق ساكته .
انا اسف خلاص .
ـ عبدالله .
ـ بزعل :نعم .
ـ انا عايزاك معايا فى كام مشوار هياخدوا مسافه العمر يادوب 💘☘️.
ـ بسعاده :انا وعمرى كله ليكى .
ـ بحبك💓 . -وانا بعشقک 💓

"قصـبه سُـكر وسـط مـراره هـذا الـعـالـم🧁🍭 "

تمـت .
لـ روان احمد..
رأيكم يا احباب ❣️