حكاية رهف

بارت الرابع

كل ما اريد فعله هو اذهب الى الفراش
‏ واغلق عيني للابد ....

وحسيت بوكتها خسرت رفل من جديد جنت كلما اشوفه احس نفسي اشوف رفل ونفس ملامحها ونفس الحركات ونفس طريقه الكلام

معرفت شسوي حتى لو اقدم بلاغ رح ينرفض لان هو ابوه اولا بيه مني

وهنا تمنيت لو صرت شي مسؤل حتى اغير هاي القوانين الظالمه لان القوانين ملازم تمشي على الكل اكو ظروف لازم تغير بالقوانين

كعدنه بالاستقبال اني وحنين نبجي على جود
مرت خالي كالت يلا مو زين صارت بهاي مو بغير شي وبعدين اذا ترجعون للواقع ترى الولد هيجي عمر من حق ابوه حتى لو امه عايشه يعني المفروض من زمان يرجع لابوه هيجي القانون يكول

وكفت بعصبية : وين جان هذا القانون من جان يتمرض وبابا يفتر بي بالمستشفى وين جان هذا القانون من جان يجي العيد لو المدارس وهو ميطلع من جيبه ربع دينار يصرف عليه
لو هسه بديتو تمشون بالقانون والي يكول بي الاب لازم يصرف على ابنه حتى لو عايش ويه امه لو هسه شافه كبر وبعد ميحتاج مصرف
عفتها روحت لغرفتي ابجي على حالي والي وصلت اله خسرت كلشي اهلي وبيتي وهسه جود ياتري شنو الي اخسره بعد...؟
............
ثاني يوم العصر جان خالو كاعد وحده بالاستقبال ينتضر حنين حتى يروح يجيبها
رهف: هاا خالو كاعد وحدك اليوم
خالو: اي ايمان ضغطها صاعد كتلها تنام
رهف: خطيه
خالو: انتي شلون صرتي
رهف: والله مشتاقه لجود مااعرف اكل نام غسل والله مااعرف
خالو: شتسوين بعد عمامج بقو ورا هاي السالفه الى ان اخذو جود منكم
رهف: بس اريد اعرف شيردون من عدنه احنه منريدهم وبحياتهم ما حبونه
خالو: من الاخير عمامج يردون الورث مبين من حجيهم
رهف: معقوله لهاي الدرجه وصلت الحقاره يعني بعدها سنويه اخوهم مطالعه ويردون الورث
خالو: ترى عمامج من زمان هيجي متتذكرين شسوه بابوج الله يرحمه
رهف: اني الاتذكر يعني مراح اخلص منهم الا اذا قسمنه الورث
خالو: صح ميستاهلون بس هذا احسن حل

اتصلت على امير كتله اريد اشوفك باجر ماعندي دوام
وطلعنه وحجيت كلشي صار
وكتله اني اريد منك تشوفلي خوش محامي عملود الورث شلون يتقسم
امير: احسن قسمي حتى خوالي يعوفج بحالج بعد و اعرف خوش محامي انتي جاييه الاوراق
رهف: اي طبعا
ورحنه للمحامي وكلي عل كلشي وكلمن شكد فلوسه بدون مابيع البيت او انطي محلات

وطلع لكل واحد منهم كذا مليون
بس مردت انطيهم محل لان هذا تعب ابويه ميستاهلون ياخذو عل الحاضر
ثمنت المحلات حتى انطيهم سعرها وضليت افكر شلون اجيب الفلوس الهم منين اجيبهن شلون ادبرهن بعت محلات كلها وبقيت محل النا نصرف منه بعد وبقى من عنده هوايه شلون ادبرهه منين اجيب
خالي انطاني شكم مليون
خالو: هذا حصت امج من ورث ابويه بوكتها تنازلت عن البيت الي بس هسه انتي محتاجته حرام عليه اخذها منج
رهف: بالعكس حرام عليه اني اخذهن وانته محتاجهن اكثر مني
خالو: وداعت ابوية مراح ارجعهن لجيبي
رهف: خالو ليش تحلف رح اخذهن بس اعتبرهن دين
خالو: تمام شوكت متخلصين كلشي عليج دين رجعيهن الي
وامير دك عليه كال عندي صاحبي عنده سبع ملايين اذا تردين اخذهن منه بالدين الى ان ربج يفرجها

وبالدوام حجيت لصديقاتي ثاني يوم كلمن جابتلها مبلغ و طلعت ذهب امي وبعتهن وكمل الفلوس
‏وانطيتهن بيد خالي حتى ينطي لعمامي وحصه عمتي اني اخذتها لان ادري امير مراح يقبل ياخذهن
‏و رحت لعمتي شيماء بس شافتهن ضربت صدرها
‏ وتصيح
سوده عليه اتهنى بفلوسه وهو ميت عساني ميته ولا هالشي
‏ رهف؛ عمه هذا حقج وكلمن اخذ حقه
‏ عمتي : وانتو وين تكعدون منين تعيشون
‏ رهف:عمه اني مبعت البيت بس بعت المحلات وهسه وقعي هنا حتى نثبت انتي اخذتي حقج من الورث مو علمود شي بس علمود الاجرأت القانونيه
‏عمتي :عوفيهن يمج انتو محتاجيهن اكثر مني واني اتنازل على حصتي الكم بالعافيه عليكم
‏رهف: لا عمه شلون عمامي ياخذون وانتي لا هذا حقج
‏بالكوه قبلت تاخذهن
وخالي هم اجه وجايب تواقيعهم عل الاوراق
وخلصت هاي السالفه وخلصت من عمامي وهسه لازم افكر شلون ارجع الديون للناس الي يطلبوني
وقررت اشتغل لان المحل وحد ميكفي والدين هوايه
بس شنو اشتغل واني بعدني ممكمله دراسه..؟