حكاية رهف

بارت الخامس

ردت اتجاهلها بس مكدرت رجعتلها
‏رهف: عندج ويايه ثار ماكله من اكلج شعندج ويايه لتخليني احطج بالي

‏تقى باستهزاء: يعني شراح تسوين مثلا كلج خلك متدربه عود انتضرج من تصيرين دكتوره من صدك.
‏رهف: هسه اشوفه هالمتدربه شراح تسوي

عفتها وصعدت لدكتور قصي الي جنت ارافقه بكل خطوه حتى اتعلم منه

‏رهف: صباح الخير دكتور
‏دكتور قصي: صباح النور هلا دكتوره
‏رهف: اريد منك شغله صغيره

‏دكتور قصي: كولي اذا كدرت اكيد مراح اقصر
‏رهف: اكو مريضه بغرفه رقم 113 واني اراقب حالتها خطوه بخطوه وهي تهتم بيها ممرضه اسمها تقى كلشي تعرف عن حالتها والي اريده من حضرتك تحجي وياها حتى تبقى جوه ايدي هم اني اتعلم من هاي الحاله وهم تساعدني

‏دكتور قصي:هذا خوش مقترح واعتقد مو بس انتي لازم طبقي كل المتدربين يطبقو
‏رهف: تسلم دكتور بس حاول تحجي وياها اليوم اذا ماكو زحمه

‏دكتور قصي: بس اخلص هالشغل البيدي واحجي وياها
‏رهف: تمام شكرا دكتور عن اذنك

‏طلعت واني حاسه بطعم الانتصار واني مو طبعي اتعالى على الناس او استعبدهم بس الي يرفع راسه يتكسر وهي شايفه روحها شوف

‏ثاني يوم الصبح دخلت لغرفه 113 وجان اشوفها واكفه واني بقيت اسئلها واسئل المريضه

زين هاي اول مريضه تتجاوب ويايه قبل اذا اسئل المريض هوايه اسئله يضوج يكول تريد تتعلم براسي وانتبهت على تقى تجاوبني وهي تزفر
‏استأذنت من المريضه وطلعنا جاي تريد تروح وكفتها

رهف: وين رايحه اني خلصت ويه المريضه بس وياج لا تعالي احجيلي عن الادويه وساعات الاكل

‏تقى: لا عاد مصارت شغله شوفي روحتج لدكتور قصي حتى يخليني جوه ايدج هاي واكفه اني ادري مو مثلما كال دكتور قصي اني عندي خبره واعرف شلون اوصلج الفكر عن المرض بس انتي عن قصداً تسويها حتى ترجعيها الي

‏رهف: هاا ضجتي مو حتى تعرفين شلون تتعاملين ويه الناس عامل الناس كما تحب ان يعاملوك فلتشلين خشمج الناس وتعاملي وياهم برفق محد يهزج بشعره

‏ درت وجهي عنها وصحت عليها
‏يلا تعالي لمريض غرفه 117

‏تقى بعصبية: الله ياخذ تقى ويخلصها من هالشكول
‏رهف: امين يلا تعالي

...........

‏يوم من الايام جابو مجموعه عساكر مصابين اثناء محاوله تحرير المناطق جان وياهم تلاث عساكر همه جايبيهم

وهاي المره جانوا هوايه صارت حاله طوارئ بالمستشفى عدد جبير وماعدا المرضى الي عدنا وصار الحرس هم يساعدونه و اني اخذت واحد من الجنود متصاوب بجتفه بس ماكو ويايه ممرض يساعدني اجه واحد من منهم