مدين انته لي بأسف
سيكلفك فوق الدهر،، دهرر...
.......
ماخطر على بالي احد يكدر يساعدني غير ياسر
ترددت اتصل عليه بس ماعندي غيره
شلت الموبايل ودكيت على رقمه رد بسرعه بدون ما ينطيني مجال احجي
ياسر: الووو هلو رهف شلونج شذكرج بيه عيني
رهف بدموع: اني مو زينه تكدر تجي تاخذني يمك
ياسر: شكو شصاير ليش تبجين ثائر سوو وياج شي
رهف : اريد اجي يمك تعال اخذني
ياسر: هسه احجز وباجر الصبح تلكيني يمج بس اول شي كوليلي شصاير
حجيتله كلشي صار
ياسر: خرب هالابن ال..... شلون يسوي هيجي
شوفي رح اقدملج هنا بعثه دراسه تجين درسين هنا حتى الى ان تطلع اقامتج
بس دزيلي المستمسكات حتى اقدم من هسه هو مباقي شي ويبدي الكورس بسرعة تطلع وانتي شهادتج هم تساعدج
رهف: شكراً ياسر اني ادري بيك متكدر تعرف مرتك وابنك بس شسوي مااعندي احد
ياسر: شنو هالحجي ولج انتي بت عمي واختي اذا متجين عليه المن ترحين
رهف: شوف اني مااريد تصير مشاكل واعرف ثائر مراح يقبل اطلع وياك فاريدك أول شي تروح على بيت اهله رح ادزلك العنوان وتحجي كلشي لاخوه الجبير حسن تعرفه وتجيبه وياك لان ميكدر يحجي شي ويه حسن
ياسر: تمام
صار الدنيا ليل واني ميته جوع بعدني على الريوك مال البارحه بس مستحيل اكل بيته
كعدت اصلي واقره قران تمنيت اروح للزياره بلكت اشوف المرأه العجوز واحجيلها كلشي
اني داقره قران حسيت عيوني غوشت و الدنيا تفتر بيه
سندت نفسي على الكاع واني فاتحه جف ايدي
ومحسيت الا اني بالمستشفى وبيدي كانونه واشوف براء كاعده يمي على الكرسي
براء: هاا كعدتي الحمدلله على السلامه خوفتينه عليج
رهف: شجابني لهنا
براء:البارحه بالليل دكيت باب غرفتج جبتلج العشه ادك وماكو صوت
كل مره اسمع صوت بجي او انتي جاوبيني كبل رحت على ثائر واجه كسر الباب وطبيت شفتج على المصلايه متخربطه كبل جبناج للمستشفى ضغطج نازل لان مماكله صار يومين
درت وجهي على الصفحه الثانيه وغمضت عيني بلكت هاي المره اغمضها وبعد مافتح
رجعت للبيت بالسياره الطريق كله وثائر محجه ويايه كلمه
وبصفي جانت كاعده براء ميلت راسي وخلته على جتفها وكالت ريحي نفسج
واني مابيه حتى اشيل راسي مااعرف هاي البنيه شنو قصتها ولا كانوا الي صار ويايه بسبب اهلها او على الاقل تستحي تحط عينها بعيني بعد الي صار
طبيت لغرفتي شفت القفل مكسور والسجاده بعدها بالكاع وباب الكنتور مفتوح
رحت لفراشي تمددت لميت البطانيه بحضني واني اتذكر كلشي صار ويايه بهاي اليومين دموعي تنزل غصب
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
