مبقه براسي عقل ورجليه كامت ترجف من الخوف ودخلت بسرعه واحس المسافة بين باب الشارع والاستقبال صارت طويله اريدها تخلص ومتخلص ودخلت الاستقبال
جان اشوف خالي كاعد يمهم ومكدرت بعد كعدت وجريت نفس طويل وكلت خالوووو
خالي: اي بعد خالج والله البارحه عرفت انتو بعدكم كاعدين بيت ابوج و وحدكم وكلت اجي اشوفكم واشوف عمامج
اني : خالو بس دقايق اخذ نفس حنين فدووه انطيني كلاص مي
خالي: شكو بابا رهف شبيج اكو احد راكض وراج ليش هيج تجربن نفس بالكوه
شربت مي واني اخذ نفس
رهف: اني متعوده ارجع للبيت اشوف باب الشارع مقفول اليوم رجعت وشفته مفتوح هو جان براسي شويه عقل وطار بس ردت اشوفهم
خالو : ليش قابل حنين صغيره تخافين عليها ماكو داعي لهذا الخوف كله
رهف : والله خالو صايره اخاف عليهم من عمامي
خالي: اني اجيت اليوم لهذا السبب اجيتج اليوم عمامج يكولون انتي متردين ترحين يمهم شنو السبب
رهف: خالو الله يخليك مااريد احجي بهاي السالفه واني وحنين اخذنه قررانه ومحد اله علاقه بينا بعد
خالي: زين اذا متردين ترحين يم عمامج تعالي يمي عالاقل احسن مما كاعدين بالييت وحدكم ويصير بيج نفس الي صار بيج اليوم
رهف: لا مااريد اسويلك مشاكل ويه عمامي لان ادري بيهم ذولي ميخافون من الله يسوون كلشي وانته عندك عائله وجهالك بعدهم صغار واخاف يسوولك شي
خالي: شوفي اني مااخاف من عدهم الي يردون يسوو خلي يسوو يلا روحو لمو غراضكم وتعالو ويايه
رهف : خالو والله مااريد لتضغط عليه وتخليني اجي وياك غصبا عليه
خالي:اذا مجيتو ويايه اجيب ملابسي واكعد وياكم واعوف عائلتي
رهف: ليش تحرجني انته تعرف حنين عدها خصوصي و اني عندي دوام يعني رح يصير الطريق بعيد علينه
خالي: عادي اني اوصلكم
رهف: انطيني شكم يوم افكر واردلك خبر
خالي: ان شاء الله عندج يومين تفكرين وبعدين اني اسحلكم من شعركم واخذكم .
خالي تعبان كلبه ياذي وهو عايش عل الادويه واني مكدرت اكله لا بعد كل هذا اللحاح بس بنفس الوقت هو مريض واخاف نروح وياه وعمامي يسوولهم سالفه وكلبه ياذي بالزايد والله اذا صار بي شي بسببي مراح اسامح نفسي
حنين :رهف خلي نروح ويه خالو احسن الي والج هم انتي بعد ترتاحين من ترحين للدوام وهم اني بعد عندي احد يوصلني بدلما اني وياج وجود نروح وبعد عمامج هم ماعدهم حجه علينا رهف والله من ترحين للدوام بعد ما انام من الخوف واليوم من اجه خالو دك الباب خفت صعدت للسطح اشوف منو يلا فتحت الباب
رهف: بس اني اخاف عل خالو لا يصير يي شي لا سامح الله من ورا عمامج
حنين: لا ان شاء الله ميصير شي بس كولي يالله
دكيت عل امير اشوف شنو رأيه بالسالفه ضاج
كال ليش ترحين لبيت خالج و متجين يمنه وهنا بيت عمتج وبيت رجلج
رهف: امير اعتقد كتلك من البدايه اني مااريد اروح لبيت عمي او اجي لبيتكم لان عدكم ولد بالبيت جبير اني اعرف تفكير عمتي اتجاه حنين اذا اجت يمكم
وخالي ماعنده جهال بس اثنين بنيه والولد عمره 12 سنه
كلي بكيفج وسد الموبايل
ادري من حقه يضوج ويفكر بميه شغله وشغله وخصوصا من ردت افصخ الخطوبه وتاجيل العرس وماريد اروح وياه وبالفتره الاخيره صرت بعيده عليه كلش صار تقريبا ست اشهر مكاعدين وحدنه ولا طالعين وماكو اي حجي بينا غير مشاكلي قررت ثاني يوم اروحله للمحل وكلت لخالي ورا يومين يجي ياخذنه علما نلم غراضنه
رحت للمطعم وطبيت للمحل و كلت لواحد من العمال يصيحه بس بدون مايعرفون اني منو لان هاي اول مره اروح للمحل واجه هو والكارصون
امير: تفضلي عيني شنو المشكله
ورفعت راسي وشافني ومكدر يحجي شي لان الولد واكف
رهف: شنو هذا المطعم مابي اي شي طيب و محد يعرف يستقبل الزبائن
امير: الي ميعجبه الاكل المطاعم كووومه بالشارع
رهف: يعني تطردني
ظل يغمز ويعض بشفايفه يعني بالجذب
امير:اني اسف رح انزلج اطيب طبق عدنه
وكال للولد يجيب سمج
يدري بيه احب السمج، وراح الولد
كعد على الكرسي
امير : شتسوين هنا
رهف: اجيت اكل
امير: يعني ملكيتي تاكلين الا هنا
رهف : ماعندي فلوس كلت اكل بلاش
امير: جان كتيلي جان اني اخذتج لاحسن مطعم واكلنه اني وياج
رهف: ليش اني شوكت اشوفك لو شوكت احجي وياك حتى بالموبايل منحجي هلكد بعدما جنه نحجي ساعات
امير : صوجج انتي الي صرتي بعيده عليه مو مثل قبل اعرف الي انتي مريتي بي مو شويه بس اني هم الي حق عليج يعني انتي بعد الحادث تغيرتي 180 درجه مو نفسج رهف الي عرفتها وحبيتها الي جانت اذا اصبعها ينجرج تضل الليل كله تحجي وتكول يوجعني وشلون تعورت انتي صرتي تحجين ويايه وانتي تبيجين ومن اسئلج تكولين ماكو شي بس نعسانه وترحين تنامين وتعوفيني انتي مو نفسج رهف الي اذا اول ما تكعد من النوم اذا مكتلج صباح الخير تضوجين اذا مااكلج احبج وهسه اذا حجيت او محجيت ميهمج تتذكرين ذاك الاسبوع يومين اني مدكيت عليج جان موبايلي عاطل ولا فكرتي تسئلين عليه رهف والله اني مضايج منج لان حياتج تغيرت او لان تعوفيني وتنامين اني ضايج لان وجودي وعدمه صار واحد بحياتج احس انو صرت عبء بحياتج اني ضايج لان تحسسيني اني غريب عليج ومتشتكين همج وتبقي بكلبج مرات احس قرار الانفصال ما اجه الا من حملي الثكيل عليج وردتي من صدك تتخلصين مني مو علمود اختج مثلما كلتي اني حبيت رهف الطفله الي جانت كلما تكبر تصغر
رهف: كل هذا ضامه بكلبك عليه وتكولي اني الي مااحجي شي شوف اني احبك واموت عليك الدليل انو اليوم مرحت للدوام. اجيت حتى اشوفك لان البارحه زعلت اني مااضم عليك انته تعرف واني اعرف عمتي متحبنه ولا تحبني شلون تريدنه نكعد بيت صاحبتنا متريدنه انته تقبلها علينا
امير: لا مااقبلها طبعا بس منو يكلج مرت خالج تستقبلكم
رهف: اعرف مرت خالي متريدنه واني اصلا مااريد اروح لهناك بس خالي لح ويايه هوايه واني استحيت اخجله رح تصير المستشفى الي اطبق بيها والخصوصي مال حنين بعيدة علينا بس فتره رح اكعد هناك و وراها ارجع
امير: براحتج بعد
بس يعز عليه تفاركين البيت الي تربيتي بي للبيت ثاني غير بيتي جنت ناوي اطلعج من بيت اهلج عروس لبيتي مو هيجي ترحين يم خالج
وصل الاكل تغدينا واخذت نفس الاكل للبيت
أنت تقرأ
حكاية رهف
Chick-Litفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
