شفت ضيم الليالي وطعم الاسفار...!
وضكت طعم الخناجر بين الاضلوع....
........
اجه ثائر
اخذته من ايده لغرفتي
ثائر: شكو شصاير تخبلتي
رهف: اريد احجي وياك
ثائر: مالي خلكج احجي بسرعه
طبيت لغرفتي وسديت الباب
رهف: ليش هيجي تسوي ويه براء حرام عليك
ثائر: حلو صرتي تحبيها من شوكت
رهف: اني احبها لبراء قبل لا تتزوجها يعني مو اليوم ولا البارحة ومااتحمل اشوفها تبجي بسببك
ثائر: وانتي منو وكلج محامي دافعين عليها هي مرتي وبكيفي
رهف: سبحان الله صرت نسخه من ابوك
ثائر: رهف لزمي لسانج ترى اطيح حظج
رهف: اذا سكتتني مراح يتغير شي كافي تظلم البنيه كلما تشوفها تبجي تذكر دموع امك وكل العتب الي جانت تحجي امك تخيل براء تعاتبك الك بي
كعد بمكانه منزل راسه كانوا يدرس كلامي
كعدت بصفه وسحبت وجهه عليه صار عينه بعيني
رهف: شغيرك وليش صرت هيجي وين ثائر الحنون الي ميحب يظلم احد
وذا شاف واحد يبجي ميعرف شيسوي
البنية يتيمه و حوبتها تاذي اذا تريدها صير لين وياها واذا متريدما طلكها من هسه قبل لا يصير بينكم جهال
براء طيبه وتحبك كل السويته بيها ودافع عليك سايسها بكلمتين والله تصير اسعد وحده بالدنيا ولا تظلمها مثلما ابوك ظلم امك
ثائر: مااكدر اتقبل وجودها بحياتي مو بيدي
كلما اشوفها اتذكر هي مفروضه عليه
رهف: حاول وياها لتخسرها صدكني مو شرط تحبها بس اهتم بيها هالشي كلش كافي
انتهد وكف على حيله
يلا امشي
ملحيت وياه اكثر
وطلعنا من الغرفه وشفت براء طالعه من الحمام وشافتنه سوه وبقت صافنه
براء: هاي شتسوون جوه
ثائر: شو متعرفين تحجين ترى رهف مرتي مثلما انتي مرتي
براء: اي صح نسيت
عافتنه وصعدت فوك
رهف: ليش حجيت وياها بهاي الطريقه هسه تفكر بغير شي
ثائر: رحمه لدينج يعني شتفكر غير مرتي
رهف: شحجيت ملحكت تنسى
صعد وراها واني حضرت الميز وانتضرتهم تاخرو اخذت قطعه بيتزا وطبيت لغرفتي صليت ونمت
من يوم الي التقيت بالمراه العجوز صرت مااضيع اي فريضه واصلي كل صلاه بوكتها واذا فد يوم حسيت نفسي مخنوكه او اريد ابجي اكعد على السجاده واحس همي كله يروح
كعدت الصبح على صوت باب غرفتي يندك شفت الساعه بالسته
رهف: ادخل
براء: صباح الخير
رهف عيونها نص مفتوحه: صباح النور شنو هالنشاط من الصبح سامعه شي
براء: اليوم كلش فرحانه رح اطير من الفرح ممصدكه
رهف: ان شاء الله دووم بس ليش
براء: البارحه ثائر اعتذر مني وكلي يحتاج شويه وقت حتى يتعود عليه تخيلي تغير 180 درجه
رهف: الحمدلله صبرتي والله انطاج
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
