فتحت الباب
زينه: مساء الخير تستقبلين ضيوف
رهف: انتي من اهل البيت فتحي الباب وفوتي شوكت متردين وفنه اليحجي
دخلت جوه أيهم جان بيدها خلته بغرفتي حتى ينام ورجعت كعدت يمي
رهف: ياسر وين لعد
زينه: ياسر بالمستشفى
رهف: شنو شيسوي بالمستشفى
زينه: واحد من اصدقائه مسوي حادث هو عراقي عايش وحده هنا ويانه بالعماره ماعنده احد رح يبات وياه بالمستشفى
وكلت ليش وابقي وحدي اجي يمج وجبت ويايه كرزات لان بدونها متحلي الغيبه
رهف بضحكه: الله على سوالفج زينه متجوزين منها
زينه: لوما سوالفي مجان ابن عمج وكع على وجهه وحبني بس شافني
رهف: بهاي حقج خطيه يستاهل هو تكدرين تكولين الله عوضه بيج
زينة: واني هم الله عوضني بيه صح عشت وياه بغربه بدون اهل ولا اصدقاء بس هو صار كل اهلي
ولا مره حسيت اني بعيده عن اهلي
شايفه البنيه من تتزوج واحد بدون ميدرون اهله شكد تخاف اذا زوجها عافها وسافر او حتى اذا تاخر عن البيت اني بالعكس ولا مره اجاني هذا الاحساس
حتي من سافر حتى يجيبج مع العلم فجاءه اجه وكلي رح اسافر للعراق رهف عدها مشكلة
من جاي احجي ويه صديقتي كلتلي بعد ميرجعلج كتلها لا اكيد يرجع لان يحبني
رهف: ماشاء الله مااريد احسدك الله يكبر حبك ويزيد
زينه: تسلمين وانتي هم ان شاء الله يجيج واحد يعوضج عن كلشي مر بحياتج
رهف بحسره: ممبين هالشي
زينه: صح انتي اكبر مني وعندج خبره بالحياة اكثر مني بس صدكيني كلشي بالدنيا يصير لسبب معين احتمال كل هذا صار بيج حتى اخر شي تجين لهنا ومو بعيدة تلكين شريك حياتج هنا وساعتها تكولين الله عوضني على صبري
رهف: كلامج حلو بس مع الاسف مموجود بالواقع بس بالمسلسلات
زينه: تدرين من ياسر يسولفلي على ايام جنتي بيها وحدج ومسؤوله على بنيه مراهقه وطفل بعمر 11سنه هم يعتبر رح يدخل بالمراهقه وانتي طالبه بس دبرتي كلشي ومطلبتي مساعده احد بس سيطرتي عليهم
رهف: القصه مو قصه كدرت اسيطر واسوي بس اهلي ربونه عدل مو ترهيب جان يكولون هذا الطريق الصح وهذا الخطا هذا هيجي بي وهذا هيجي بي وانتو بكيفكم عكس بعض الاهالي أيدهم والضرب وبالتالي اذا غابو الاهل او صار بيهم شي تشوف الاولاد كبل نحرفو لان ميعرفون ليش منعوهم من هذا الطريق
زينه: ونعمه التربيه الله يرحمهم مثل امي هي تحبني وتموت عليه وعدها زينه وبس والباقي هيجي
بس مشكلتها متتفاهم جنت اشوفها فد شي جبير بالنسبه الي وقدوتي بالدنيا و من تزوجت توسلت بيها بس حتى تغير رأيها
مجنت اتحمل اشوف رجال غير ابويه ويايه بالبيت وجنت اخاف لا تلتهي بزوجها وجهاله واذا خلفو بعد ينسون زينه
أنت تقرأ
حكاية رهف
Chick-Litفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
