حكاية رهف

بارت عشرين

هل نحن احياءً.... حقاً..؟
ام نتنفس فقط..
اتمنى يوما خاليا من كل شي عدا نفسي...!

..........
كاعدين نسولف اني وخاله ودخل علينا ثائر

ثائر: سلام عليكم هاي خاله يمنا اليوم
خاله: اي يمه أجيت اشوفكم
ثائر: رهف جيبلي كلاص مي بلا زحمه

طلعت من الاستقبال بس استوقفني صوت ثائر يحجي بهمس ويه خالته

خاله خوما حجيتي شي لرهف على سالفه خاله جميلة
خاله: لا شلون اكوللها جميله تريد تزوج ثائر

عززا بعيني يعني سوتها صدك وفتحت الموضوع وياه الله ياخذج ان شاء الله متخاف من الله شنو هالحقد الي شالته عليه

رحت بسرعه جبت مي ورجعت وبقينا كاعدين الى ان اجه مصطفى عليها
هو طب يسبح

اني ليش هيجي ضايجه خلي يتزوج من حقه مو جنت الح عليه يتزوج هاي اجتي خالته رح تتكفل بكلشي

حضرتله الاكل بس مجان يحجي بس ياكل
قبل وين جان ميبقي شي ميحجي بي وهسه بينا بس السلام

اكيد يريد يتزوج هو طبعا من حقه مل مني وكطع الامل اني مالومك عفته ورحت لغرفتي

تمددت بفراشي وغمضت عيوني مااكدر انام حتى النوم جفاني
تذكرت بدايه زواجنا

" ثائر: رهف اريد اسالج سؤال بس مااريدج تزعلين
رهف: مدام كتلي تزعلين يعني الله اليستر
بابتسامه: احجي مراح ازعل

ثائر: ليش امير
اقصد شنو الشفتي بيه وماشفتي بغيره شنو السواه حتى يستحق كل التسوي هسه

رسمت على وجهي ابتسامه حتى اضم الزعل البان على ملامحي
يمكن لو مصاير الي صار ويه اهلي جان تخطيت وفاته بسهوله صحيح رح تكون صعبه بس فتره و وراها ارجع لحياتي الطبيعيه بدونه

بس ورا ما ماتو اهلي صرت من اشوفه اكول عرفت اختار والبنيه اذا مرت بظروف و كالت هاي الجمله فاعرف هالشخص وصل لاعمق نقطه بكلبها بواقفه

ثائر: واذا لكيتي شخص يحبج ويسوي اكثر من امير رح تحبي
رهف: مااعتقد اكو

ثائر: وليش لا انتي فتحي كلبج ورح تلكين
رهف: حتى لو اكو وراد هالشي رح اكله استوب هذا حدك ويايه لان اريد هالكلب يبقى باسمه

ثائر: واذا وكع على وجهه وحبج وميكدر يغير شي
رفعت تك حاجب وباوعت عليه باستغراب
.... اخاف عندك واحد الي وتحجي هيجي

ثائر : يعني هذا الفتهمتي من كلامي وياج
رهف: اي طبعا لعد شنو معناها من تكلي فتحي كلبج ورح تلكين هاا شنو ..؟

ثائر: لا سلامتج
تصبحين على خير صاعد انام

رهف: وين رايح تعال دنسولف ليش كطعت السالفه عالنص
بس اريد اعرف شنو معنى هالكلام اول مره يحجي ويايه هيجي كلام"