حكاية رهف

بارت الثاني عشر

صعدت فوك واخذت سطله مسح حتى امسح

ومااشوف الا ثائر طب للغرفه وقفل الباب ورا كلبي صار يدك بسرعه ورجلي بالكوه شالتني من الخوف

رهف: هاي شتسوي افتح الباب واطلع برا
ثائر: انتي ليش لسانج طويل سمعي اكلج اكبر واحد اذا يخلي راسه براسي اكسره افتهمتي لو افهمج بطريقتي

رهف: انطيني المفاتيح اريد اطلع منا
ثائر: طبيتي بكيفج واطلعين بكيفي اني

رهف: انته متسحتي اختي رح تصير مرت اخوك احترم هذا الشي
بده يتقرب مني ويكول
..... اني اعرف الاحترام بس انتي الي تردين واحد يعلمج واني الي رح اعلمج

بديت ارجع وهو يتقرب وانحصرت على الحايط

رهف : والله اذا تسوي شي رح تتندم
ثائر: شوفيني شراح تسوين تكولليهم مراح يصدكوج لان يعرفون اني منو بس هذا ياثر على اختج

جان يحجي وهو يبتسم بحقد
واني خايفه منه وصار كلش قريب عليه حسيت بانفاسه
استند بجف ايده على الحايط والثانيه اخذ خصله من شعري يلعب

دفعت ايده قوي
رهف: نزل ايدك شلون تلمس شعري
ردت اسحب نفسي منه
سحبني من ايدي ورجعني لمكاني

عيونه تخنزر بده يقرب وجهه عليه
نزلت راسي واني مغمضه
فدووه خليني اروح الله يخليك

لعب بشاربه ويضحك
...وهسه تخافين مني

صرت اشهك ودموعي تنزل
..... اي اخاف بس عوفني اروح
ثائر: خليها بالج ثاني مره لتلعبين ويه الأكبر منج

وانطاني المفتاح واني بسرعه اخذته ورحت
اريد افتح الباب بس ايدي ترجف مااسيطر على نفسي

اجه اخذ المفاتيح مني واني رجعت بسرعه
فتح القفل
ثائر: هذا الي صار بينا اذا طلع برا الغرفه لتلومين الا نفسج
رهف: والله مراح اكول للاحد
فتح الباب وكلي يلا طلعي

اني بسرعه طلعت وحتى ماباوعت ورايه
نزلت جوه اخذت الجنطه وطلعت
اخذت تكسي بسرعه ورحت للمستشفى المكان الوحيد الي مراح يسالني احد شبيج

وبقيت ابجي و بالكوه اخذ اتنفس واحس بالهوى اليطلع مني وصخ لان  اتقرب عليه كلش

احس ويه كل شهكه بموس وينزل مااريد شي بعد اريد ابقه بهاي الغرفة الى ان اموت بدون مااحد يشوفني او يعرف بيه ليش

اول مره بحياتي اتعرض لهيجي موقف بحياتي متوقعت بيوم من الايام اوكف هاي الوكفه

ليش اني من دون كل هالناس المصايب ورايه احس المشاكل دور عليه
وشفت الموبايل داكين عليه خاله وحسن بس ماريد اجاوب احد لان ماعندي الهم جواب

بقيت اسال نفسي هذا السؤال شسوي وين اروح شلون احمي نفسي واختي منه خلصت من عمي طلع ثائر بس اريد اعرف هاي الدنيا شتريد مني بعد اخذت اعزاز كلبي كلهم ورضيت وبعد تريد تاخذني مني كلشي شويه شويه كافي والله تعبت مااكدر اتحمل بعد اكثر