حكاية رهف

بارت السادس عشر

رهف: اريد مهري وعد بينه وبين ربه
الشيخ: هو هسه مموجود خلي يجي وكوليله وعدج احد منكم يروح يجيب العريس

راح عمي رسول يصيحله
ثائر: امرني شيخنا
الشيخ : انته كلت العروس هي تحدد مهرها وهي تكول مهري وعد
ثائر: وعد شنو

الشيخ : احجي وعدج
رهف: اريد منه وعد يحميني ويصوني ويخاف الله بيه
الشيخ : يلا ابني انطيها مهرها

ثائر: وعد رح احميج واعاملج مثلما الاب يعامل بنته واخاف عليج واحبج اكثر من اي شي بالدنيا
مهرج صعب بس احاول اوفي

الشيخ: بارك الله بيكم.. نبدي مراسيم العقد؟
ثائر: تفضل

الشيخ: الدنيا متاع وخير متاع الدنيا المرأة الصالحة الله يبارك بيج بنتي لو كل البنات يفكرون بنفس نفكيرج مبقى شاب اعزب يلا نبدي على بركه الله

صار يحجي ايات وكلام عن الزواج
وسألني رهف بنت سليم هل تقبلين ب ثائر صلاح زوجا لكٍ على مهر مقدمه و مؤخره وعد بينكم على كتاب الله وسنه رسوله اذا قبلتي قولي نعم وانته وكيلي

حسيت بغصه اريد ابجي واكول لا
عاد السؤال مره ثانيه وهالمره بنبره اشد

رهف: نعم قبلت وانته وكيلي
الشيخ : ثائر ابن صلاح هل تقبل برهف بنت س..............
ثائر: نعم قبلت
الشيخ: مبروك عليكم الزواج

بدت الهلاهل واجتي خاله باستني وتباركلي
وحنين شالت الشال وعدلت شعري وهي تأشرلي ضحكي

خاله راحت تجيب ثائر وهو دخل وصارت كلها تهلهل و الجكليت ماادري منين يجينا

لبسني الحلقه والنيشان
ثائر: هاهيه خلص بعد ماكو شي

مرت خاله: مبين عليك مستعجل بس تريد تخلص
عمه ثائر: اي طبعا لعد العريس عليش يتزوج
خاله: خلصتو حجي خلي الولد براحته بدون شي هو تعبان
عمه ثائر: محجينه شي

  كملنه كلشي كلها راحت للبيت ثائر راح يوصل المعازيم للباب
وسمعت واحد يكول لثائر مو تنسى تبشرنا

راح سد باب الشارع ودخل لغرفه الكعده اني بقيت كاعده
وذب نفسه على التخم وهو يردد

اووو والله كلش تعبت
اليوم طلع موبايله وكال خلي اقفله احسن وين موبايلج
جان بصفي

ليش شتشوي بي
ثائر: انطيني الموبايل حتى اقفله حتى لحد يدك
اخذ الموبايل وقفله

رهف: ليش يدكون علينا
ثائر: يعني بيوم العرس ليش يدكون على العرسان
شفته نزع الرباط وسأل
وين غرفتي

رهف: غرفتك اول غرفه يم الدرج على ايدك اليسره بس بسرعه حتى اني هم ابدل وراك
ثائر: شنو

رهف: مو اليوم حنين رتبت الملابس ومكدرت احولهن باجر احول غراضي لغرفه جود واكعد بيها
ثائر: اذا تردين انتي ابقي بهاي الغرفة واني عادي وين ماجان انام اني وين اكعد بالبيت
رهف: لا لا عادي لازم يكون عندك غرفه حتى تاخذ راحتك بيها