أما عَلمْت بإنّ الكتمان يحرِقُنا
فَهَلْ يَنام الذي في جَوْفهِ نار...
.........
كعدت بالاستقبال انتظره
صح رح اروح بس غصبا عني
دخل عليا بكشخته نزع نظارته وبقى صافن عليه بدون ما يرمش
حاولت اتهرب من نظراته
رهف: يلا كملت ماعندي شي نروح
ثائر: وين ترحين ابقي انعل ابو الحفله لابو اليتزوج مره ثانيه
رهف: ليش شكو صاير شي لا سامح الله
ثائر: كولي شنو الي مصاير
وصار يتقرب عليه واني ارجع
شبيك ثائر ترى دخوفني
ثائر: مو حرام هذا الكيمر حلالي وماكل منه
رهف: شنو هالحجي انته بيك شي اكيد متحس بنفسك اني رايحه لغرفتي وانته روح وحدك
ردت امشي عنه سحبني من ايدي
وحاوط خصري وتلاصقن صدري بصدره وفتح جف ايده يمسح خدي
وعيونه منشالت عني
رهف: ثائر شيل ايدك
ردت اشيل ايده بس مكدرت
ثائر: انتي مرتي وهذا الحجي لا عيب ولا حرام
ولج اني احبج والقران احبج من اشوفج تمشين كدامي اتمناج بس بالكوه الزم نفسي
رهف: الله يخليك عوفني اروح
ثائر: ولج دمرتيني بجمالج وضحكتج كلشي بيج ينحب مو بيدي مااكدر اعوفج
ردت احجي بس سكتني وهو يمرر اصبعه على شفتي ويردد
ثائر: اششش عوفيلي نفسج واوعدج مراح تتندمين
لزم شعري من ورا قرب راسي على شفته
جر نفس قوي كانوا يشتم عطري
لزم شعري بقوه ورفع راسي حسيت بنفسه الحار لفح وجهي
وطبع بوسه على شفتي
حسيت على نفسي
ردت ادفعه مااكدر
صرت اضرب على صدره
وخر عني اني ما احبك عوفني هذا الشي غلط
فتح عينه وسحب نفسه
وعصر خصري بين اصابيعه
وشمرني على القنفه و طلع من البيت
واني كبل صعدت لغرفتي قفلت الباب وكعدت ابجي
ماادري ازعل من ثائر لان تقرب مني لو ازعل عليه لان صديته هذا الشي حقه بس والله مو بيدي
ليش هيجي كلبي صار يدك بسرعه ومردت هاي اللحظات تنتهي ردت ابقى بحضنه
كل مشاعر الخوف هي جانت نتيجه توتر مو عدم رغبه
الصار اليوم غير كل الموازين وقلب عقلي وكياني
وللمره الاولى اعرف هالكلب رجع ينبض لشخص غير امير
للحظه استرجعت كل الغيره والحزن الجانت بكلبي تجاه هذا الزواج طلع غير حبيب مو صديق
كمت امسح مكياجي كدام المرايه ودموعي تجري
بدلت ملابسي وحضنت المخده وابجي
وبقيت بغرفتي لثاني يوم الصبح مكدرت اطلع واخلي عيني بعينه بعد كل الي صار
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
