حكاية رهف

بارت الثامن عشر

جاي اسوق بيها ودك موبايلي
اخذ موبايلي وكال هاي خالتي تتصل عليج اخاف داكه عليه لان نسيت موبايلي بالمطبخ
رهف: ثواني خلي اطبك على صفحه واجاوبها

رهف: الووو هلو خاله
خاله: اكلج ثائر وين اشو ادك عليه ماكو

رهف: احنه هسه طالعين وهو ناسي موبايله بالبيت تردين تحجين وياه
خاله : لا بس من تروجعون للبيت دكي عليه اريد اكلج على شغله

رهف: لا خاله احجي ماعدنا شي كاعدين بالسياره
خاله: اريدج تقنعين ثائر ومصطفى ويجون لبيتنا
رهف: ليش خوما صاير شي

خاله: ابوهم هنا يريد يشوفوهم و حسن بس شافه طلع وبعد مرجع وهسه هو يسال عليهم
رهف: منو
خاله: ابو حسن
رهف: شيريد

خاله: يكول جاي اشوف ولدي
رهف: تمام هسه اكوله

ثائر: شكو شتريد خالتي
رهف: ابوك موجود بيت اهلك
ثائر باستغراب: منو
رهف:  وخاله كالت خلي يجون ثائر ومصطفى يشوفون ابوهم

ثائر: الدرب الي جابه يرده
رهف: ثائر ميصير تحجي هيج هذا ابوك
ثائر: انتي لتدخلين بهاي السالفه طلعي منها يلا نرجع للبيت

مجاوبته لان اعرف بيه من يسمع باسم ابوه يضوج

و رجعنا للبيت هو نزل بسرعه وصعد لغرفته
حسن: شكو شصاير شبي ثائر
رهف: مابي شي

مصطفى: شلون مابي شي مشفتي وجهه
رهف: ابوك هسه موجود بيتكم ويريد يشوفكم
مصطفى: ابويه شوكت رجع وشيريد
رهف: ماادري بس خاله دكت عليه وكالت هو موجود.

حسن: هو هذا الموضوع الي كتلك من يجي ثائر اكللكم عليه اني جنت هناك من اجه
حنين: متروح تشوفه

مصطفى: ششوف بي ميستاهل
حسن: مرخصتج رهف بس اليوم ابات هنا بلكت باجر يرجع
رهف: ولو البيت بيتك

‏صعد لثائر نزله وكعدو الثلاثه بالاستقبال واني رحت احضرلهم جاي 
‏ثائر : هاا شفتك اجيت لهنا
‏حسن: مااريد اشوفه
‏مصطفى: مسئلته شيريد جاي
‏حسن: اني شفته طب منا واني طلعت منا سلام مجاوبته.

‏رهف:  هاي خاله تتصل تكول واحد منكم يجي بعد يشوفه شيريد وحدنه كاعدين اني وشهد

‏حسن: يلا واحد منكم يروح
‏مصطفى: بالنسبة الي مااروح
‏ثائر: ولا اني
‏رهف: ترى عيب الرجال ينتضر مهما سووه هو يبقى ابوكم

‏ثائر بعصبيه: انتي البارحه جيتي لتجفصين بنص السالفه وانتي متعرفين شي
‏حسن:هي شعليها تصير عصبي عليها

‏ثائر: تردين تعرفين شسوه عافنه واحنه جهال لخاطر وحده متسوه فلسين لتحجين وتكولين مهما سووه بحياتي مراح انسى من جان يضرب امي علمودها وهي واكفه وتضحك ولا انسى كسره ظهر امي وهي كاعده على المكينه تخيط حتى تكبرنا شايفته مصطفى بعمره مشايف ابويه جان بعد بالكماط عافه وراح يا اب هذا الي تحجين عليه لا حسبالج هو جاي مشتاق اكص ايدي اذا ميريد شي من عدنه
‏حسن: كافي سد السالفه هسه هو يمل ويروح