رجعنا للبيت جان مابيها شي لليل صخنت و حسيت رجلها ورمت وهي بس تبجي فتحتها وخليتها على رجلي
وثائر ميعرف شيسوي يلعب وياها ويحجي على الي ضربها الابره
رهف: ثائر شيلها عني شويه حتى اسويلها كمادات
ثائر: شنو اني اشيلها
رهف: اي شيلها لتكولي لحد هسه مشايلها
هز راسه نافي
رهف: صدك تحجي ولا مره شايلها
ثائر بارتباك: شلون اشيلها متشوفيني ايدي شكبرها وهي ناعمه اخاف تنعصر بيدي
رهف صوتها ضحكتها علت: والله ماادري كبلك صغير لهاي الدرجه شبيك ارتبكت
ثائر: كافي ضحك وكوليلي شنو تردين
رهف: جيب طاسه بيها مي دافي و خاوليات صغار تلكاهن بهذا الجرار
راح بسرعه واني اضحك على سوالفه وشلون ارتبك انصدمت من عنده
رجع
ثائر: زين المي هيجي
رهف: اي عاشت ايدك والخاوليات
خليتهم على اماكن الابر جابلي مي بارد اسويلها كمادات
ثائر: كومي ناخذها للمستشفى
رهف: ليش تاخذها مابيها شي
ثائر: شوفيها شصاير بيها
رهف: هالشي عادي مادام صخنت يعني بده مفعول الدوه بجسمها
ثائر: خرب بالي اخترع هاللقاحات ميكولون جهال ميفتهون شي شنو ذنبهم هيجي يسوون بيهم
رهف بضحكه: لوما هاللقاحات جان هسه كل الجهال مرضى على كولت المثل وجع يوم ولا وجع سنه
هي وبحضني نامت قست حرارتها نزلت زين شفت ثائر نايم بالكعده خليت مخده ورايه وتجيت عليها من التعب
كعدني ثائر: كومي خليها على رجلي وانتي نامي عدل باجر وراج شغل
رهف بغواش: لا مااروح باجر هسه ادك عليهم ياخذولي اجازه
ثائر: روحي خاله تجي يمها
رهف: شلون ترديني اروح واني بالي يمها
ودك على خاله كولها لتجي خطيه هي تعبانه انوب تحير بيها
اتصل على خاله وكللها لتجين
واني رجعت نوره لمكانها ونمت
كعدنه الصبح متاخرين بالكوه سحبت نفسي من الفراش قست حرارتها زين طبيعي
جانت نايمه بقيتها يم ابوها ونزلت جوه غسلت وصليت وبديت احضر الريوك نزل ثائر تريكنه سوه
.......
مر شهرين واحنا سوه صح عايشين سوه بس ماكو بينا كلام بس عن نوره واذا راد يدخل بغير موضوع انسحب من الكلام وجان يعرف بيه
كعدت الصبح نتريك اليوم يروح للدوام
بس احس اكو شي غريب كانوا جنطته بيها ملابس زيادة
وحتى كعد متأخر ردت اساله بس مردت يحسني مهتمه
خلص ريوكه وكال
رايح تردين شي
هزيت راسي بنفي
اخذ جنطته وطلع من المطبخ
شويه وصاح باسمي
شفته واكف بالباب ويلبس الحذاء العسكري
شافني وكال جيبي نوره
جانت كاعده يمي بالمطبخ تلعب شلتها ورجعت شفت واكف منتظرها بس طبينا نزل الجنطه من جتفه
وقربتها عليه ضل يبوس بيها
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
