حكاية رهف

بارت السابع عشر

سمعت صوت ايلين تبجي طلعنا ركض نشوف شبيها
‏رهف: هاي شبيها تبجي

حنين: والله مااعرف هسه جانت تلعب مابيها شي

اخذتها ونزلت للاستقبال اخذها مني ثائر وصار يلعب وياها شفته من يناغيها تفتح حلكها

رهف: هاي يمكن جوعانه اروح سويلها حليب واجي
حنين: لا مصار ساعه من شربت

سويتلها ممه واخذتها من ثائر وشربتها
شربتها بسرعه

رهف: شوفيها شلون جوعانه
ثائر اجه كعد يمي
....اووي حبيبت عمو اهلج ميطوج اكل

حنين: والله هسه شربت
رهف: عليمن تطلع غير عليج تموتين على الاكل
مصطفى: اي عفيه يومها كله اكل

حنين: يعني هسه عينكم على اكلي خلص بعد مااكل
ثائر: لتحجون وياها هاي ام الغاليه مااقبل عليها
حنين: فديت بس انته تفكر بيه

مصطفى: سكتي رجلج اخاف تصدك بعد شيخلصنه
ثائر: متكدر عليه
مصطفى: احممم

ثائر: لعد شعبالك تعلم من اخوك
ضربته برجله
حنين: لا حبيبي لتتعلم هذا الشي من اخوك
رهف: اشش نامت حنين تعالي نصعدها

جانت غرفتي يم الدرج وبصفها غرفه اخويه حسن وكدامها غرفه حنين ورفل

رجعت ايلين للسرير مالتها
حنين: رهف شلونكم انتي وثائر يعني مرتاحه وياه
رهف: وليش هالسؤال..؟

حنين: جاوبيني واني اكلج ليش
رهف: اي الحمدلله مرتاحه

حنين: يعني حبيتي
رهف: اي

حنين: جذابه مااصدك بيج اني اعرفج مستحيل تحبين شي انتي مجبوره عليه وانتي نجبرتي على ثائر
بس هو يحبج صدكيني قبل فتره سمعته هو خالتي يحجون سوه

"خاله: هاا يمه ان شاء الله مرتاح بزواجك
ثائر: اي الحمدلله رهف خوش بنيه وممقصره ويايه باي شي
خاله: اي حبيبي بعمرك لتحسسها انته اخذتها مجبور

ثائر: لا خاله شنو مجبور اني احبها لرهف قبل لا اتزوجها بس ماجتي فرصه اكلج تخطبيها الي وصار كلشي بسرعه
خاله: صدك تحبها لو بس كدامي تحجي هيجي

ثائر: وداعت امي ممجذب عليج تتذكرين البنيه الكتلح عليها هي جانت رهف
خاله: صدك احلف
ثائر: وداعتج

خاله: هسه يلا ارتاحيت جنت شايله همك ومقهوره عليك"

حنين: هو يحبج انتي انطي لعلاقتكم فرصه ورح تحبي صدكيني
هي تحجي واني مصدومه من الي سمعته معقوله ثائر...!

رهف: شوكت هذا الحجي
حنين: اول مره اجه لبيتنا ورا زواجكم
رهف: لتخافين عليه اني مرتاحة وياه وهو كلش متفهم

حنين : من صعدت فوك باب غرفتكم مفتوح شفتكم مقسمين السرير بالنص ليش
رهف: جنت اتشاقه وياه الصبح ضوجني واني هيجي سويت حتى اضوجه