وطلعنا وياه واحنه منعرف وين نروح
نزلنه كدام مستشفى
ليش جايبنا لهنا
مصطفى :هسه تعرفون
رهف :شنو هو لغز احجي بعد
طبينا جوه اجه ثائر وحجوا هو ومصطفى بهمس
بس ميكولون شكو بديت اخاف احجو شكو
ثائر: منو يطب ويايه اكو شخص لازم تتعرفون عليه
واحنه كدام باب الغرفه الثلاجه مال الجثث
.... منو هنا ولازم نشوفه
ثائر:هسه تعرفون منو يدخل
حنين بقت صافنه عليه ادري بيها ماتتحمل اني دخلت جابو جثه شخص وخلو كدامي
بس شفته بديت اعيط
رهف: لا لا هذا مو جود جود يم ابوه
وكعدت بالكاع ابجي واعيط
ثائر كعد يمي وكلي
.... رهف لزمي نفسج شويه
رهف: الله يخليك كول هذا مو جود والله بعد مااتحمل
ثائر: بعدنه ممتاكدين همه خمس اشخاص جانو دكينه على بيت جده وسحبنا منهم دم حتى نشوف التطابق وبلكت مو هو
رهف: الملامح اكبر دليل
كمت حضنت جود : شبسرعه رحت مليت مني انته هم بيش قصرت وياك وعفتني ورحت اي صح صوجي اني الي خليتك ترجع لابوك جان هسه انته يمي
صرت يم رفل رح تشوفها وتحضنها بعد شتريد اليوم تنام بحضن امك
سلملي عليها وعلى بيبي وجدو وكوللها رهف مشتاقتلكم هوايه
بيدي مسحت الدم وجهه محروك
ياكلب خاله تاذيك مو اكيد كمت تعيط بس ملكيت احد يمك وين وجهك الحلو وملامحك البريئه
مسحت دموعي
ليش تحرك كلبي عليك بعدك شايف من حياتك
ثائر: رهف لازم نطلع بعد هوايه عالم ورانا يردون يدخلون
وصاح وحده من الممرضات تجي حتى استند عليها لان مكدرت امشي بعد وهو لزم ايدي من الصفحه وطلعنا اجتي حنين واخذتني من ايد ثائر
حنين: هاا شكو شصاير منو شفتي جوه الله يخليكم احجو ترا مبقت قطره دم بجسمي
رهف: جود راح يم رفل عافنه وراح
حنين: شنو منو كال اكيد جذب اصلا جود يم ابوه شيجيبه هنا
ثائر: البارحه بالليل صار انفجار بالكراده وجان ويه ابوه وعائلته بالمول
حنين كعدت تبجي وتلطم
حنين: اريد اشوفه اتاكد بنفسي
مشت عنه تريد تدخل لزمت ايدها
رهف: لترحين مراح تتحملين شوفته وجهه الجان صافي مثل الزبده هسه خشن وكله دم
اجتي كعدت يمي بالكاع وخلت راسها على رجلي
حنين: هو هم راح شلون بينا احنه شوكت نفرح مثل كل هالناس
جانت تحجي وتشهك اجه مصطفى يطبطب عليها ويواسيها
ثائر: مصطفى يلا رجعهن للبيت
لزم ايد حنين و يسندها حتى تكوم
واجه ثائر كعد يمي
ادري الي تمرين بي صعب وماالومج أي شي تسوي بس بعمره البجي مرجع الي راح لو يرجعهم جان رجعو اهلج كضيتي سنين من عمرج تبجين عليهم مرجعو مااكلج لتبجين ابجي بس امر الله ولازم تكونين مؤمنه هذا اختبار منه حتى يشوفج صبوره لو لا
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
