دكتور عادل : هذا ثائر كرايبج كولي لاهله يقنعو ميطلع للجبهات لان بعد جرحه جديد مصار اربع اشهر اني كتلج حتى اخاف يصير شي متجون عليه وتكولون اني السبب بس رح يتاذى كلش اذا راح هسه
رهف: والله دكتور هو مو كرايبي مااعرفه ولا اعرف رقم اي واحد من عائلته
خليها عليه دكتور اني اعرف شسوي
دكتور عادل: اي ياريت لان اذا مسويتي شي رح اخلي يوقع على ورقه لا اني ولا انتي ولا حتى المستشفى اله علاقه اذا صار شي
رهف: تمام دكتور بس هو شسمه ثائر شنو
دكتور عادل: ثائر صلاح
رهف: تمام دكتور ان شاء الله اسوي الي اكدر عليه
ياربي اني ابتليت بهذا هسه شراح اسوي
رحت بقسم العساكر الي جابوهم وسألت منو عنده رقم حسن صلاح او مصطفى صلاح اداره المستشفى محتاجتها
بكلت اخوه يكدر وياه
واحد منهم انطاني رقم اخوه الجبير دكيت عليه وكتله على كلشي صار وكال هو رح يحجي وياه
ثاني يوم الصبح دك عليه حسن
حسن: دكتوره مااعرف شكلج بس معاند يريد يطلع واني مطالع بيدي اسوي شي
رهف: ترى الادراه رح تكتب ورقه وتخلي يوقع عليها لا المستشفى ولا الدكاتره الهم علاقه اذا صار بي شي وانته تخيل حجم الخطوره الي عليه اني اكدر حالي حال اي دكتور اخلي يوقع ابري ذمتي بس اني مااريد اخاطر بحياة اخوك
حسن: والله النعم منج بس هو ميسمع كلام احد
رهف: بعد اني مقصرت وياه وسويت الي اكدر عليه وبعد اخوك يعرف مصلحته بس دزه حتى يوقع الأوراق قبل لا يلتحق
حسن: احجي ويه دكتور عادل خلي يفهمه حجم المشكله الي يمكن تصير
رهف: دكتور عادل هم مقصر هوايه حجه وياه بس انته حجيتها اخوك عنيد
حسن: تمام دكتوره مشكور مقصرتي تعبتي ويانه
رهف: لا بالعكس هذا شغلي وجنت اتمنى اكدر اسوي شي
حسن: لا بالعكس رايتج بيضه
كملت الجوله على المرضى وخلصت صعدت لدكتور عادل وكتله وكال الورقه جاهزه
ودخلو علينا حسن وثائر
ثائر: السلام عليكم
دكتور عادل: وعليكم السلام
ثائر: وين كلتو لازم اوقع
دكتور عادل: شوف انته مثل ابني واني مااريد اضرك لان لا اعرفك ولا عندي عداوه وياك بس فكر قبل لا تروح
حسن: ترى العمر يخلص والشغل ميخلص
ثائر: ترى والقران مليت بالبيت ماعندي شي اسوي اذا مطلعت من البيت ترى اموت
حسن : انته تحملت هوايه تحمل بعد شويه شتخسر
رهف: شوف هي مسئله شخصيه وميصير ادخل بس فكر بامك وبابوك فكر بالناس الي تحبك شراح يصير بيها وراك ترى كل الكلوب تبرد الا كلب الام يتحرك كلبها عليك لخاطرها تحمل بعد فتره
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
