حكاية رهف

بارت السابع

لن انساك بل سانسى نفسي
ويبقى الشوق وليفي
والحزن صيفي وخريفي.
ويزل فيني لوعه اللقاء
فما ذنبي كتب عليه الفراق
فان اقنعت العقل بفقدك
فمن يقنع القلب بذلك..؟
..........

دكتور قصي: حول ولا قوه الا بالله شباب بعمر الورد هذا هم ميت
اخذت نظره على الشاب اليحجي عليه الدكتور

اشوفه امير نايم كدامي وغركان بدمه
واقيس نبضه ماكو نبض كلبه وكف كلبه الي جان يدك باسمي وراح

كعدت بنص الممر ابجي وايدي تلطخت بدمه عافني وراح الي حلفلي مراح يعوفني انته مو رجال كد كلمتك ليش عفتني لخاطري ارجع انته مو جنت تكول كلبي مينطيني اشوف دموعج والله مراح ابجي بعد بس ارجع الله يخلك كول هذا شقه والله كلبي ميتحمل بعد خسرت هوايه

ليش تخليني اخسر بعد ياربي ليش اخذت مني كل الي احبهم موتني اني وعوفهم يعيشون

وكمت بسرعه مسحت دموعي واخذته للطوارئ وبقيت انطي ضربات كهربائيه
كلهم يكولون ميفيد بعد صار هوايه كلبه واكف ميفيد واني اكول معليكم هسه يرجع كلبه يدك

واجه دكتور قصي اخذ مني الجهاز وكلي بابا عوفي هو راح بعد ميفيد
رهف: شلون يروح ويعوفني واني ماعندي غيره هو كلي مراح يعوفني لان ابوي مزوجها رجال حتى يوكف وياها بوكت الشده و بالاخير يروح بهاي السهوله
دكتور: كلنه عل هذا الطريق ادعي اله بالرحمه

واجتي تقى وظلت تحجي ويايه واني كمت مااسمع شي بقيت مصدومه

ودكت على حنين وكلتهلهم واجوي هي وبيت عمتي شافوه بهاي الحاله
وعمتي دك وتطلم وتحجي عليه بس مااعرف شنو حجت اني وكفت بعد لا ابجي ولا احجي ولا حتى اتحرك حنين تحجي ويايه واني مااجاوب احد ومحسيت شوكت اخذوه وشوكت كفنو ودفنو اني بقيت بالبيت حتى مغسلت حنين هي مسحت دمه عليه

وثاني ويوم بالفاتحه حنين كالت تعالي نروح للفاتحه واني مجاوبت شي بقيت كاعده لا اكل ولا احجي ولا حتى ابجي

وخلصت الفاتحه واني بهاي الحاله ورغد كالت هاي مو زين عليها هيحي متبجي لازم تخلوها تبجي هاي تكتم بكلبها
وعمتي شيماء من شافتني بهاي الحاله تخبلت وضلت تبجي عليه و تحجي عل سوالف امير وشغلاته واني مويمها واخر شي جابت صورتنه اني وياه وخلته كدام عيني واني باوعت عليها

كالت هذا امير راح بعد متشوفي هاهيه وجابت صوره كلها واني لزمت صورته ضليت اشهك عليها حضنت الصوره بكل قوتي واني اشتمها تخيلته هو بحضني وبقيت اعاتب

ليش تروح كلبك شلون انطاك تعوفني وحدي وتروح دائما جنت تكولي اني حاربت الدنيا كلها علمودج معقوله مكدرت تحارب الموت علمودي انته طلعت متحبني وحجيك كله طلع جذب بجذب
اخخخخ بس هو هم صوجي اني جنت اعرف اي شخص احبه اخر شي يموت ليش بقيت وياك ماادري شلون معفتك اااه.