لي في محبتك اربع شهود
وشهود كل قضيه اثنان
خفقان قلبي .. واضطراب جوارحي
نحول جسمي .. وانعقاد لساني
.......
طلعت الدكتورة وصرنه نتراكض عليها كلنا
وكفت بمكانها و احنه داير مدايرها
مصطفى بلهفه: ها بشري دكتوره
دكتوره: العوض بسلامتكم الطفله نزلت ميته
مصطفى: وحنين
دكتوره: لا الحمدلله عمليتها نجحت
رهف : اوووف الحمدلله
مصطفى: شوكت نكدر نشوفها
دكتوره: بس يفك عنها البنج نجيبها للغرفه وتكدرون تشوفوها
بس هي متعرف شي بخصوص الطفله وحتى اطمنها قبل العمليه كتلها رح تطلع سلامات هي والبيبي حاولو من تطلع تكوللها بس دير بالكم من عمليتها
رهف: تمام دكتوره شكراً
انتضرنها بغرفتها
ومن كعدت جابوها اول سؤال سالته وين بنتي
ثائر: ايلين تجين ويه عمو نروح نشتري حلويات
ندارت على حنين
هزت راسها موافقه
نزلت من حضن امها ولزمت ايد ثائر وطلعوا
شهد: الحمدلله على سلامتج يلا اني اترخص حسن جوه منتضرني
خطيه رجعت للبيت علمود الجهال خاله متكدرلهم وحدها خطيه
حنين: داسال وين بتنا الدكتوره قبل العمليه طمنتني وكالت كلشي تمام ليش هيجي ضايجين
رهف: الله يعوضج
بس كلت هاي الحجايه صارت تعيط
حنين: مصطفى وين بتنا مصطفى
مصطفى: الله يعوضنا بالاحسن واحنه عدنه ايلين تسوه الدنيا
حنين بدموع : مستحيل اكيد زعلت مني لان بالبدايه مجنت اريدها
رهف كولليلها كل الامهات تعصب على جهالها هاي مو معناها متريدهم والله اخليها بعيوني
يا روح امج زعلانه مني ماعاش اليزعلج
حضنتها وخليت راسها على صدري ودموعها بللت ملابسي متوكف صارت تضرب روحها وتعيط
حنين: ياريت لو ميته وياها جوه ومطالعه ياريت
لزمت ايدها
رهف: كافي جاي تسوي ميجوز ديري بالج عمليتج لا تنفتح
مصطفى: مفكرتي اني وايلين شيصير بينا وراج
حنين: احسدك على بروده اعصابك ولك هاي بتنا الماتت وعمرها ست اشهر بطني يعني روح كامله اكيد تاذت قبل لا تموت
مصطفى: عبالج بس انتي المقهوره ترى اني هم اب ولج متت هاي صلبي جنت معلق كومه امال عليها لو تشوفين احلامي راحت بعيده
طلع موبايله
شوفي هذا جنت ناوي اجيبه الها بس تجي للدنيا وقررت اجيب كناتير اثنين وجرابي اثنين هم الها و ايلين حتى لا يغارن جنت ناوي اخليها يمي اني ادير بالي عليها جنت اتابع فيدوهات حتى اتعلم شلون اربيهن هي وايلين حتى لتصير بينهم غيره كل هذا واني احسبلها يوم بيوم شوكت تجي وانتي هسه جاي تكولين اني مامهتم
مهما صار عندي اطفال وشكد رح تحبلين ميسون ظفر حنين عندي
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
