لي في محبتك اربع شهود
وشهود كل قضيه اثنان
خفقان قلبي .. واضطراب جوارحي
نحول جسمي .. وانعقاد لساني
........
جنت كاعده جوه ويه خاله سمعت ثائر يصيح باسمي بقيت نوره يمها وصعدت
طبيت شفت كاعد على الجربايه ومخلي راسه بين ايده
رهف: هاا حبيبي صحتلي
ثائر: شنو هاي..؟
اشرلي على شريط حب
رهف: حبوب منع الحمل
ثائر: ادري بيهن حبوب صخام بس شتسوي بغرفتج
رهف: ترى شغله عاديه اي مره متزوجه عدها من هاي الحبوب
وكف على طوله واجه عليه شمر الشريط بوجهي
ثائر بعصبيه: هاي الحبوب تستعملها المتزوجه الصارلها سنه او عدها اطفال مو وحده صارلها شهر متزوجه
رهف: ليش كل هالعصبيه على شي ميسوه
ثائر: يعني برأيج المره المتريد جهال من زوجها شي ميسوه جان المفروض تخليني بالصوره
رهف: وهاي عرفت شصار يعني
اخذ سويج و الموبايل وطلع وسد الباب ورا بكل قوته
رهف: الحمدلله والشكر مو صاحي صاير حساس زيادة عن الزوم
نزلت جوه واشوف الوجوه كلها عليه وبوجهه علامه السؤال
خاله: شصاير شبيه ثائر طلع ميشوف كدامه
رهف: ماكو شي شغله عاديه
خاله: يمه لتنسين شصار بيج من عافج وراح ديري بالج عليه فدووه لخاطري ترى هو راجع من الموت
رهف: هو عصب على شي ميسوه وتصير بين اي اثنين متزوجين كبر السالفه على لا شيء
خاله: يمكن انتي تشوفي شغله تافه بس هو ياخذها بغير نظره كعدي وياه خلي يحجي كلشي ويخلص وراها انتي كوليله كلشي عندج وهيجي رح تصفى الكلوب
رهف: أن شاء الله ليضل بالج
خاله: ترى والله ولدي فقره وانتن مستغلات هاي النقطه لصالحجن
رهف: اي طبعا دافعين عليهم معقوله تكولين همه خلطانين
خاله: هاا عود جنت اكول انتي اكبر جنايني واعقلهن شو طلعتي وجهج الثاني
رهف: لتزعلين مني بس ثائر يدور زله على الواحد يحير شيطلع بي عيوب
خاله: ميخالف حبيبتي تحملي اذكرج شلون جنتي تحلفين بس يرجع مراح تزعلي
رهف: ماشي بس يرجع اني احجي وياه
خاله: اي هيجي اريدج
هسه دنيا ليل شويه ويرجع مراح يتاخر واريدج الصبح متصافين
رهف: تمام
صعدت فوك انتضرته رجع ب12 بالليل بدل ملابسه واجه لف راسه يريد ينام
رهف: تصبح عالخير
لا جواب عبالك احجي ويه روحي
رهف: تمام لتجاوب براحتك اني لميت ملابسي الصبح رايحه رح تخلص مني
كعد كبل وندار عليه
ثائر: وين رايحه
رهف: زين تكدر تحجي
ثائر: بلا لغوه وين رايحه
رهف: معليك بيه وين ماريد اروح
ثائر: هاا هيج صارت السالفه مو لعد اخذي هاي باجر ماكو طلعه من البيت حتى للشغل مترحين
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
