من المؤسف ان تشعر بالهلع
في الاماكن التي يفترض ان تكول ملجأه.
........
ذبيت الكرسي من ايدي ونزلت ركض
اباوع عليه شفته احمد والكاع كله دم
من الخوف صرت ابجي معرفت شسوي كبل دكيت على ثائر بس مكتله ليش
مطول نصف ساعه واجه سمعت صوت الباب رحت ركض حضنته وابجي
ثائر: شكو شبيج ليش تبجين احجي شصاير
بس ابجي مااكدر احجي اخذته من ايده
ثائر: هذا احمد شيسوي هنا
حجيتله كلشي واني اشهك بجي
ثائر: خوما سوالج شي
رهف: لا لا هو مشافني اصلا عرفت بي رح يطب لغرفتي اول شي لان يم الدرج
ثائر: عمتج وين
رهف: مو هنا
ثائر: شلون مو هنا مو كلتي اجتي
رهف: مجتي
ثائر: ومن تعرفين عمتج مراح تجين ليش مدكين على المطي وتكوليلي اجي اخذج شعندج كاعده وحدج
رهف: هسه مو وكته هذا الحجي شوفلي صرفه ويه هذا لا يصير بي شي وابتلي
ثائر : هو انتي هذا التعرفي تسوين مشكلة وتعال ثائر حلها حسابج بعدين يلا روحي بدلي بسرعه
رهف: وين
ثائر: اخذلج للمكبره وين يعني غير للبيت
صعدت بدلت ملابسي نزلت شفته مخلي بالسياره وصلنا للمستشفى وفتحله طبله ورجعني للبيت وهو رجع للمستشفى
طبيت للبيت شفت براء كاعده
براء: شكو شصاير ظل بالي
رهف: ماكو شي
براء: شلون ماكو شي شوفي وجهج اصفر ودكيتي على ثائر ب2 بالليل وبعدين وين ثائر
رهف: شكد تسالين كتلج ماكو شي لتلحين
عفتها وطبيت لغرفتي واني بالي يمهم اخاف يصير بي شي ياربي بس يكوم بالسلامه
وراها بساعه اجه ثائر
رهف: هااا بشر شلون صار
ثائر: طلعو من العمليات مابي شي بس بعده بالبنج
رهف: الحمدلله
طلع مفاتيح من جيبه
ثائر: تعرفين هاي المفاتيح شنو
رهف: اي هذا مفاتيح بيت اهلي
ثائر: شيسوي يم احمد
رهف: احمد منين جاب المفاتيح
ثائر: مااعرف انطوني ياهن ويه غراضه بالمستشفى
رهف: واني اكول شلون طب واني متاكده قافله البيبان ثائر مااريدك تزعل عليه بس اني رح اشتكي عليه لان طلعت من ماعونها
ثائر: عليمن تقدمين بلاغ هو حجته اقوى عنده المفاتيح مو بعيده يكول انتي منطيته المفاتيح وتفتحين على نفسج باب كعدي وسكتي
بس وداعتج حقج ميروح هيجي الا ازوعه حليب أمه واخلي يبجي مثل النسوان بس خلي يطلع من المستشفى
جسمي بعده يرجف من الخوف لزم ايدي
رهف لتخافين اني يمج محد يوصلج
يلا رايح انام شويه تردين شي
رهف : متروح يمه
ثائر: خلي يولي من زين اخذته للمستشفى
هو طلع وطبت ورا براء
براء: رهف بروح امج وابوج احجي شصاير ترى والله مااتحمل بعد وضعكم مو طبيعي
رهف: ليش تحلفين بيهم
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
