ثائر: شبيك يمعود
مصطفى: وينها رهف اريد احجي وياها
ثائر: شنو بدلو العروس جنت تريد رهف بس تزوجت حنين
مصطفى: مالي خلك لسوالفك التعبانه كلي وينها
ثائر: ماادري يمكن شفتها بالمطبخ من اجيت
مصطفى: اي لعد رايح للمطبخ احجي وياها
ثائر: ولك وين رايح تريد تفضحنه هسه العالم متكول هذا شعنده عايف خطيبته ورايح ورا اختها
مصطفى: اريد احجي بشي كلش مهم ميتاجل
رهف: هاا شكو وكعدت كلبي صاير شي
مصطفى: ثائر روح شويه اريد احجي وياها وحدنه
ثائر ابتعد راجع للحفله بس عيونه علينا متعجب
مصطفى: انتي مو تكولين حنين متشوه وين متشوه بالضبط
رهف: انته تشوف هذا السؤال وكته
مصطفى: لا بس تعجبت هي لابسه كصير وزنودها طالعه والظهر كله طالع ماكو شي
رهف : شوف هذا جان اختبار الك جنت اكول اذا عرف و ومرجع اخلي على هذا التفكير حتى ميتقرب منها بعد واذا قبلت بيها شلون ماجانت رح اكلك هي مابيها شي ما متشوهه
مصطفى: صدك تحجين يعني هي مابيها شي لعد شلون طلعين هيج سمعه على اختج مو عيب شنو احنه جهال
رهف: تكدر تحجي عليه اي شي تريده وتبقى تحجي عليه لان الي سويته جان غلط واعترف بس غصبا عني
جنت اخاف اقبل واتندم جنت حايره و بقيت هوايه افكر شلون اختبر حبكم وخصوصا انتو بعدكم صغار يمكن يكون حب مراهقه مخطرت بالي غير هاي الفكره واني نسيت اكلك بعد على الجذبه ومو بالي اصلا
اني اسفه اعتذر منك خربت عليك فرحت خطوبتك
مصطفى: اخذيها مني كلمه رجال بعمرج مراح تتندمين لان وافقتي على زواجنا
رهف: واني هذا الي اريده حنين كلش تعبت بحياتها واريدك انته تعوضها
مصطفى: صدكيني رح انسيها كلشي مرت بي
رهف: ان شاء الله يلا روح كمل الحفله وانته مرتاح
وراح كملو الحفله واجتي زهراء كالت حنين تريدني
رهف: هاا حنين
حنين: وينج تعالي يمي نطك صور
رهف: عندي كومه شغل بالمطبخ
حنين: الشغل ميطير هسه نكمل روحي
بقيت واكفه يمها من لبسو الحلقات وشربو العصير
وخلصت الحفله المعازيم راحو وراحت وياهم خالتهم ام احمد وحسن راح ويه الزلم و بقينه بس احنه و عمتي وثائر ومصطفى وخاله لان بقت سياره وحده يرجعون بيها
خاله: عيني شيماء مرخصتج عادي يكعدون وحدهم شويه
عمتي: اي عادي شكو بيها
راحو كعدو بالاستقبال
عمتي: الحمدلله جانت الحفله سهله ومحسينا بيها
خاله: اي والله الله يوفقهم
ثائر : اي حقكم انتو بالبيت كاعدين واكو واحد ابو ابوه شافه اليوم
خاله: اووي حبيبي سوده عليه انته صدك تعبت اليوم
ثائر بصوت ناصي: شفايدني اذا على التعب
خاله: كلت شي
ثائر: لا هيجي
خاله: تردون نساعدكم بالشغل قبل لا نروح
عمتي: لا ماعدنه شي
خاله: لا شلون وحدكم كلها راحت يلا خلي بس نلم الغرفة
عمتي: لا لتعبين نفسج كعدي الكعده حلوه وياج
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
