يتأكل قلبك ووهجك
و تقل ضحكاتك من تراكمات كثيره
ثُم يأتيك عوض الله الجميل بشيء قليل وعميق
يجبرك جبراً كانك لم تكسر يوما
وقد يكون العوض على هيئه شخص ينسيك الماضي..
..........
طلع بسرعه بدون ميسالني اذا احتاج شي أو لا وهالشي مو عوايده
كمت من سريري بسرعه لحكته بدون ماينتبه شفته طلع للكراج وكعد بمكانه واتجى بايده على الكاع ومنزل راسه فتحت الباب اشوفه مختنك بس يكح وحتى وجهه صار اصفر ميكدر يحجي شي
لزمته من جتفه اريد اصعد راسه
رهف: شبيك ثائر بس لو كرورنا
هز راسه بمعني اي
كبل عفته ورحت لغرفتي بدلت ملابسي واخذت مفاتيح السياره
اخذت ايده وخلتيه على جتفي حتى يستند عليه
بعده التعب بيه بس مااعرف شلون اجتني القوه اوكفه على رجليه وصعدته بالسياره وهو بعده مختنك بالكوه ياخذ نفس وميكدر يحجي شي دكيت علي تقى تجهز كلشي بباب المستشفى
امشي واني ايد على الستيرن والايد الثانيه على ثائر واحجي وياه بس ميسمعني
وصلت للمستشفى كبل نقلنا لغرفه العزل وحطوله اوكسجين حتى تفتح الرئه و على الابر والمسكنات نام شويه وسووله تست وطلع ايجابي
اووف ياربي كله بسببي اني صار بي هيجي واحتمال من زمان بس ميحجي ليش هيجي تسوي بروحك وبيه
دك موبايلي المتصل حسن
رهف: الووو
حسن: الوو هاا رهف وينكم يمعوده من شوكت ادك عليكم لا انتي تجاوبين ولا ثائر
رهف: ثائر ناسي موبايله بالبيت واحنا هسه بالمستشفى
حسن: شكو ياستار شتسوون بالمستشفى
رهف بغصه: ثائر طلع بي كورونا
حسن: هالشي طبيعي كلنا متوقعين هالشي هو شلونه هسه
رهف بدموع: مو زين عنده نقص حاد بالاوكسجين بجسمه والنفس بالكوه يسحبه خايفه عليه وضعه ابد ميطمن
حسن: كولي يالله ان شاء الله ماكو شي هو وينه
رهف: نايم
حسن: انتي شلونج زينه ان شاء الله
رهف: شلون تريدني اصير زينه وثائر بهاي الحاله بسببي
حسن: شنو هالحجي الصار قضاء وقدر وبعدين انتي مجنتي تقبلين ثائر يبقى يمج بس هو اصر
رهف: ياريت لو باقيه وماقابله يبقى
حسن: انتي رح تبقين يمه
رهف: اي طبعا شلون اعوفه
حسن: محتاجه شي اجيبه الج
رهف: ياريت لو تجيبلي مستمسكاته لان دختله على مسؤوليتي اني هسه راجعه للبيت اجيب ملابسه علما نايم جيبهن لهناك
حسن: وين هنه حتى اجيبهن
رهف: حنين تندل مكانهن
حسن: تمام محتاجه شي بعد
رهف: لا سلامتك
مرت يومين وهو حالته تسوء اكثر ملامح وجهه ذبلت ونبره صوته تغيرت
جنت شاهده على كلشي يصير وياه وجنت اتمني لو صاير كل هذا بيه اني وهو ميتاذى تمنيت لو بيوم الي عرفت بروحي مصابه مختفيه بدون مااكول لاحد مجان هذا حال ثائر
دورت على بلازما الدم لشخص متعافي ماكو نفس زمره دمه بقى آخر امل عندي رحت اراجع كل سجلات المرضى بلكت الكه
بعد ما دورت وكلبنا والسجلات اني وتقى لكينا شخص واحد وهو بعده ممتبرع بس المشكله السكن بالحله شجابه لبغداد
أنت تقرأ
حكاية رهف
ChickLitفتاة مدلله تعودت على الحب والحنان لتستيقظ فجاءة على حلم مؤلم وهي تشاهد فقدان اعز الناس لها وما بين الم الحاضر وذكريات الماضي نسيت ان تعيش للمستقبل فهل تعزف اصابعها اوتار الحب من جديد ام ان اصابع الماضي تلاحقها
