Unicode
ရွှေရစ်နောင်လိုက်ပါလာသော ကားအနက်လေးသည် မှိုင်းညို့နေသော ပျဉ်ထောင်အိမ်ကြီးရှိရာ အပင်များဖြင့် ရှုပ်ယှက်ခက်နေသော ခြံဝန်းကြီးထဲသို့ ဝင်လာခဲ့သည်။
ကားရပ်လိုက်သည်နှင့်ရွှေရစ်နောင်ကားထဲမှ ထွက်လာလိုက်သည်။ဘေးပတ်ပတ်လည်ကို ကြည့်ကာ
'ကျစ်'တစ်ချက်သပ်မိသည်။ဤနေရာသည်လူနေသည့်နေရာနှင့်မတူ။ကြောက်တတ်သူဆိုလျှင်တစေသရဲများပင် ကိန်းအောင်းနေသည်ထင်လိမ့်မည်။
"ကျစ်စုတ်ပြတ်သပ်နေတာပဲ"
ထိုအချိန်ပျဉ်ထောင်အိမ်ကြီးထဲမှ ထွက်လာသော
လူလတ်ပိုင်းအရွယ်အမျိုးသားတစ်ဦးနှင့်ကောင်ငယ်လေးတစ်ဦး။
"ရွှေရစ်နောင်လား"
သက်လတ်ပိုင်းအမျိုးသားဆီမှ ထွက်လာသော စကားစု
လေးပင်။ရွှေရစ်နောင်လှည့်ကြည့်လိုက်ရာ ထိုအမျိုးသားဟာ ဝှီးချဲပေါ်တွင်ထိုင်လျက်၊ထိုအမျိုးသား၏ခြေထောက်တစ်ဖက်မှာ ပတ်တီးအဖွေးသားနှင့်ခါးတွင်လည်း ခါးထိန်းတစ်ခု ပတ်ထားသည်။
"ဟက်"
ရွှေရစ်နောင်ခပ်သဲ့သဲ့ ရယ်လိုက်သည်။
ဖေဖေတို့များ သားကိုယောက်ျားပေးစားယုံတင်မက
ထိုယောက်ျားမှာ ဒုက္ခိတပါ ဖြစ်နေသည်။
ရွှေရစ်နောင်အတွေးများနေချိန်တွင်ထိုအမျိုးသားဟာ
တပ်ဆင်ထားသော မျက်မှန်ကို တစ်ချက်ပင့်တင်လိုက်သည်မို့ရွှေရောင်ကိုင်းလေးမှ အလင်းရောင်ဟာ မျက်နာလာဟပ်လာရာရွှေရစ်နောင်သတိပြန်ကပ်သွားသည်။
"ဟုတ်တယ်ခင်ဗျားက သာလွန်ခလား"
"ကိုယ်က သာလွန်ခပါ လက်မှတ်ထိုးမလာနိုင်ခဲ့လို့
တောင်းပန်ပါတယ်ရွှေရစ်"
"ဟက်မလိုပါဘူး ခင်ဗျားမျက်နာ မမြင်ရတာ ကျတော့်
အတွက်စိတ်သက်သာရာ ပိုရတယ်"
YOU ARE READING
love me little,love me long(Complete)
Romanceဖအေဖြစ်သူ၏ အကျပ်ကိုင်မှုဖြင့်ကောင်ငယ်လေးတစ်ယောက်ကို လက်ထပ်လိုက်ရသော သာလွန်ခ။ သာလွန်ခနည်းတူ စိတ်မပါဘဲ လက်ထပ်ဖို့ သဘောတူခဲ့သည့် ကောင်ငယ်လေးရွှေရစ်နောင်ဟာ သာလွန်ခအပေါ် မည်သို့သဘော ထားမည်နည်း။ ရွှေရစ်နောင်၏ စိတ်ထဲတွင်...
