Unicode
"ကောင်းပြီ လက်ခံရမှာပေါ့....
ဒါမဲ့နောက်တခါ မပြောမဆိုထွက်သွားရင်တော့
အန်ကယ်တို့ရွှေရစ်နောင်ကို ပြန်သိမ်းရလိမ့်မယ်"
"ဟုတ်ကဲ့ကျေးဇူးတင်ပါတယ်အန်ကယ်
ကျတော်ထပ်ထွက်မသွားတော့ပါဘူး"
"အဟွန်း.....
ခပ်ခွာခွာထိုင်ပေးလို့မရဘူးလားရွှေရစ်နောင်"
ဦးဇွဲနောင်ရှေ့မှ အမြင်မတော်သည့်သားကြောင့်
သတိပေးကာပြောရခြင်းပင်။
သာလွန်ခ၏လက်မောင်းကို လက်နှစ်ဖက်ဖြင့်ဖက်ကာ
သာလွန်ခ၏ပုခုံးပေါ်ကိုမေးတင်ထားသည်မှာ
အဝေးကကြည့်လျှင်ပင်သာလွန်ခ၏ပုခုံးနှစ်ဖက်မှာ
မညီညာတော့ဘဲ တစ်ဖက်စောင်းဖြစ်နေလေပြီ။
"ဟုတ်"
မျက်နှာငယ်လေးဖြင့်မိမိလက်မောင်းကို သိုင်းထား
သည့်လက်များကို ဖြုတ်ကာ ခပ်ခွာခွာထိုင်လိုက်
သည့်ရွှေရစ်ကို ကြည့်ရင်း သာလွန်သနားမိပြန်သည်။
အဘယ်ကြောင့်ဆို သနားခြင်းသည်လည်း
အချစ်၏တစ်စိတ်တစ်ပိုင်းမို့ပင်။
"သား....."
"သားလေး သာလွန်....."
ရွှေရစ်တို့အိမ်တံခါးဆီမှ ကြားရသည့်အသံများမှာ
သာလွန်ခ၏အဖေနှင့်အမေထံမှပင်။ပြေးဖက်လာသည့်
မိခင်ဖြစ်သူကို ပြန်ဖက်ခြင်းမရှိဘဲ မလှုပ်မယှက်နေသည့်
လွန်ခမှာရွှေရစ်ကိုသာကြည့်မြဲ ကြည့်နေသည်။
လွန်ခအဖို့ မလွယ်ကူမှန်းရွှေရစ်သိပါသည်။
"သားရယ်ဘယ်တွေသွားနေတာလဲကွယ်
မေမေတို့မှာ စိတ်ပူလိုက်ရတာ"
မေမေ၏အမေးကိုဖြေဖို့ရန်သာလွန်ခ စိတ်ကူးမရှိ။
ထို့ကြောင့်ကြားထဲမှ ဝင်ဖြေရန်ရွှေရစ်ပြင်လိုက်သည်။
"လွန်ခက အသိတစ်ယောက်ဆီ သွားတာတဲ့ အန်တီ
သားလည်း ဟိုမှာပျော်နေတာနဲ့ အန်တီတို့ကို
အသိပေးဖို့မေ့သွားတာ ဟီး...."
DU LIEST GERADE
love me little,love me long(Complete)
Romantikဖအေဖြစ်သူ၏ အကျပ်ကိုင်မှုဖြင့်ကောင်ငယ်လေးတစ်ယောက်ကို လက်ထပ်လိုက်ရသော သာလွန်ခ။ သာလွန်ခနည်းတူ စိတ်မပါဘဲ လက်ထပ်ဖို့ သဘောတူခဲ့သည့် ကောင်ငယ်လေးရွှေရစ်နောင်ဟာ သာလွန်ခအပေါ် မည်သို့သဘော ထားမည်နည်း။ ရွှေရစ်နောင်၏ စိတ်ထဲတွင်...
