Unicode
"မင်းတို့ထဲက ချဉ်ပေါင်ဟင်းချက်တာ ဘယ်သူလဲ"
"ဦးရှိန်ပါ"
"ဦးရှိန်ပါ"
အသံညီစွာအော်ပြောလာကြသည့်ရွှေရစ်နောင်နှင့်
ငဇွဲ။
"ငရှိန်"
"ခင်ဗျာ"
"မင်းချဉ်ပေါင်ဟင်းရည်က မချဉ်ဘဲ
ဘာလို့ချိုနေတာလဲ ဟမ်"
"ခင်ဗျာ"
"ဘာခင်ဗျာလဲ
နေ့တိုင်းဒါတွေပဲ ချက်နေရတာကို"
"ဟို ချက်တာကတော့ ကျုပ်ပါ
ဒါမဲ့ ...."
"ဒါမဲ့ ဘာလဲ"
"ချဉ်ရည်ကပေါ့နေလို့
ကျုပ်ထမင်းအိုးငဲ့နေတော့ လက်မအားတာနဲ့
ရွှေရစ်နောင်ကို ဆားနဲနဲတော့ ထည့်ခိုင်းလိုက်တယ်"
သေချာသည်။အဖြေက ရှင်းသွားခဲ့ပြီ။
ချဉ်ပေါင်ဟင်းကို ဟင်းချိုဖြစ်အောင်လုပ်ခဲ့သူက
ရွှေရစ်နောင်ဖြစ်သည်။
"ဟင်း ဟင်း ....
ရွှေရစ်နောင်"
"ဗျ"
"မင်း ဆားနဲ့ ဟင်းချိုမှုန့်ရော ခွဲတတ်ရဲ့လား
ဆားက ငန်ပြီး
ဟင်းချို........."
"လွန်ခ"
ဦးလူနု၏စကားမဆုံးခင်ထွက်ပေါ်လာသည့်ရွှေရစ်နောင်
၏ခေါ်သံဟာ အားလုံးကိုကြောင်သွားစေသည်။
သာလွန်ခ မိမိနာမည်ခေါ်ကာ မိမိဆီလျှောက်လာသည့်
ရွှေရစ်ကြောင့်ဦးလူနုကို အားနာရပြန်သည်။အနား
ရောက်သည်နှင့်မိမိ၏မေးရိုးကို ကိုင်ကာ
"ဒါဘယ်သူလုပ်တာလဲ"
"ဘာကိုပြောတာလဲရွှေရစ်"
"ဒီသနပ်ခါးတွေနဲ့ လွန်ခကိုချောအောင်လုပ်တာ
ဘယ်သူလဲလို့"
ရွှေရစ်၏စကားဟာ ကြားရသူဖို့ ရယ်ချင်ဖွယ်ဖြစ်စေ
သော်လည်းရွှေရစ်အမှန်ပင်သဝန်တိုနေခြင်း
ဖြစ်သည်။သနပ်ခါးနှင့်လည်း တမျိုးကြည့်ကောင်း
နေသည့်လွန်ခ၏ချောမောမှုကို တခြားသူတွေ
မမြင်စေလို။သက်ကြီးရွယ်အိုများ ဖြစ်လျှင်တောင်
ခွင့်မပြု။
YOU ARE READING
love me little,love me long(Complete)
Romanceဖအေဖြစ်သူ၏ အကျပ်ကိုင်မှုဖြင့်ကောင်ငယ်လေးတစ်ယောက်ကို လက်ထပ်လိုက်ရသော သာလွန်ခ။ သာလွန်ခနည်းတူ စိတ်မပါဘဲ လက်ထပ်ဖို့ သဘောတူခဲ့သည့် ကောင်ငယ်လေးရွှေရစ်နောင်ဟာ သာလွန်ခအပေါ် မည်သို့သဘော ထားမည်နည်း။ ရွှေရစ်နောင်၏ စိတ်ထဲတွင်...
