Unicode
"ငါ 'မ'နဲ့ ပြတ်သွားပြီ"
ကုတင်ပေါ်တွင်ခြေပစ်လက်ပစ်ထိုင်ကာ မျက်တောင်မ
ခတ်စဉ်းစားဟန်ဖြင့်ပြောလာသောရွှေရစ်နောင်၏စကား
ကြောင့်ခွန်းသနှင့်ဝေယံတို့ ရယ်မိကြသည်။
"ဟား ဟား မင်း ငါတို့ကို စနေတာမလား"
"ဟား ဟား"
ဝေယံတို့ စနေသည်အထင်ဖြင့်ရယ်ကြသော်လည်း
ခပ်တည်တည်မှင်သက်သက်ဖြင့်မိမိတို့ကို ပြန်ကြည့်
နေသောရွှေရစ်နောင်၏ မျက်နာထားသည်က
စနေဟန်မပေါ်။ခွန်းသနှင့်ဝေယံ မျက်နာပိုးသပ်၍
ရွှေရစ်နောင်၏ဘေးတွင်ဝင်ထိုင်လိုက်ကာ....
"မင်း အတည်ပြောနေတာလား"
"ငါက အဲ့ကိစ္စနဲ့ မင်းတို့ကို 'စ' စရာလား"
"ဘယ်လိုဖြစ်တာလဲ မင်းတို့က.."
ရွှေရစ်မိမိ၏ဆံပင်ကောက်ကောက်လေးများကြား
လက်များထိုးဖွရင်း
"မသိတော့ဘူးကွာ"
"ဟမ်ဘာမသိတာလဲ
မင်းမမက အရင်စဖြတ်တာလား
ဘာလဲ မင်းမမက အသစ်တွေ့သွားတာလား"
"မဟုတ်ဘူး ငါအရင်လမ်းခွဲလိုက်တာ"
"ဘာ!! မင်းက လမ်းခွဲခဲ့တာ
ငါ နားကြားမှားတာလား ခွန်းသ"
"မင်း အသာနေစမ်းပါကွာ
ငါမေးကြည့်ပါဦးမယ်......
ဘယ်လိုဖြစ်တာလဲရွှေရစ်နောင်"
ခွန်းသမေးတော့ရွှေရစ်ဟာ အဖြေမရှိသည့်နှယ်
ခေါင်းရမ်းပြသည်။
"ငါမသိဘူး ခွန်းသ
ဒီနေ့ ငါ 'မ'နဲ့ကော်ဖီဆိုင်မှာ သွားတွေ့တယ်ကွာ
ဒါမဲ့ 'မ'နဲ့တွေ့တော့ အရင်လိုပျော်မနေခဲ့ဘူး
ပြီးတော့ အဲ့လိုအနေအထားကြီးက ငါ့ကို
စိတ်ကျဉ်းကျပ်သလိုကြီး ခံစားရတယ်"
"ဒါနဲ့ မင်းက လမ်းခွဲစကားပြောခဲ့တယ်ပေါ့"
"အေး ဒါမဲ့ ငါမရည်ရွယ်ဘဲပြောထွက်သွားတာ"
"မင်းပြောတော့ မင်းမမက လက်ခံလား"
"အကြောင်းပြချက်တွေမေးတာပေါ့ကွာ
ငါလည်း ဘာမှမပြောဘဲ ထွက်လာခဲ့လိုက်တာ"
YOU ARE READING
love me little,love me long(Complete)
Romanceဖအေဖြစ်သူ၏ အကျပ်ကိုင်မှုဖြင့်ကောင်ငယ်လေးတစ်ယောက်ကို လက်ထပ်လိုက်ရသော သာလွန်ခ။ သာလွန်ခနည်းတူ စိတ်မပါဘဲ လက်ထပ်ဖို့ သဘောတူခဲ့သည့် ကောင်ငယ်လေးရွှေရစ်နောင်ဟာ သာလွန်ခအပေါ် မည်သို့သဘော ထားမည်နည်း။ ရွှေရစ်နောင်၏ စိတ်ထဲတွင်...
