𝐋𝐢𝐯𝐢𝐧𝐠 𝐈𝐧 𝐇𝐞𝐫 𝐏𝐚𝐫𝐚𝐝𝐨𝐱 [TSS #3]

Chapter 7: Auction Night

Niks' POV

Bumalik ako sa counter na parang walang nangyari. Si Soul ay bumalik din sa table nila, katabi n'ya ulit si Mang Thomas. And the guy's hand is on her shoulder again.

Maybe this is the sign to avoid any contact with her. Sa tuwing naglalapit kami ay parang ang daming pumipigil sa paligid. O sadyang iniiwasan n'ya lang ako.

"Marami pa namang iba d'yan.." Siri said like she's comforting me. "Sabagay, 'di kita masisisi.. ang ganda n'ya e.." dagdag n'ya.

Sobra..

Nakatanaw lang ulit ako sa table nila. Isang grupo sila ng mga mukhang nasa 20's na may maipagmamayabang sa buhay.

"Kung ice cream lang 'yan kanina pa natunaw," singit ni Dylan sa pagitan naming dalawa ni Siri at sabay kaming inakbayan. "Grabe titig n'yong dalawa e," aniya pa.

"Hindi naman ako nakatitig e," tanggi ko.

"Tsk tsk," umiiling na asik n'ya. "Kung ako sa'yo Nixen, maghanda ka nalang para sa Auction Night." suhestyon n'ya na ikinakunot ng noo ko.

"Oo nga pala!" Siri exclaimed and giggled.

"What's that?" naguguluhang tanong ko. "Auction ng mga expensive alcohol?"

"Auction ng mga expensive people!" sabay na sagot ng dalawa saka tumawa.

"Every last friday of the month nagkakaroon ng Auction. Madalas mga babae, mayro'n din namang lalaki. Pwede ka magvolunteer kung gusto mo. Ginagawa lang nila for fun, iba trip ng mga mayayaman." paliwanag ni Siri.

"Huh? Madalas ako rito, bakit 'di ko naman alam 'yan?" naguguluhan parin ako.

"Baka kasi nag-uuwi ka agad ng babae kaya hindi mo naaabutan!"

Hindi nalang ako nagsalita. January 27 ngayon, Friday, ibig sabihin magkakaroon ng Auction Night? Hmm, kaya pala maraming tao dito tuwing Friday.

"Nixen!" luminga ako sa paligid nang marinig ang pangalan ko. "Here!" And there I saw Vianca waving her hand at me. Nasa isang table sila malapit sa pwesto naming mga waiter/waitress, kasama n'ya ang mga kaibigan n'ya.

"Hey!" kinaway ko rin ang kamay ko pero napatigil ako nang makita ang isang babaeng kumakaway rin sa'kin ngayon. "Saji.." hindi makapaniwalang bigkas ko. She stopped waving her hand and just smiled sweetly at me, kasama n'ya sa table ang mga kaibigan ko.

"Ang daming chix nito," sinuntok ni Siri ang braso ko.

Pumunta ako sa table nila Saji to take their order. Mukhang kararating lang nila.

"What's your order?" tanong ko, kay Saji lang nakatingin.

"You," she said in flirty tone.

"Ayan nanaman po sila," bulong ni Carol na katabi ngayon si Matt.

"Where have you been?" tanong ko kay Saji. Ang mga kaibigan ko na ang pinaglista ko ng order nila, kaya na nila 'yan malaki na sila.

"Somewhere," sagot n'ya.

"Ang ganda mo na ah, tapos inglesera pa," wika ko ulit.

"I don't think so," she said, pagkatapos ay sabay kaming tumawa. This is what I'm talking about. Kaya gustong-gusto kong kasama si Saji dahil gets namin humor ng isa't-isa.

"Kunin ko lang order ha, I'll be back." paalam ko sa mga kaibigan.

Biglang huminto ang malakas na music. The people on the dancefloor settled down. A girl come up to the stage holding a microphone.

"I know you're already aware of what's gonna happen tonight, am I right?!" she said on the mic. The audience replied yes with so much excitement.