နှောင်ထုံးဖွဲ့ရာ ပြယ်လေသတည်း
""တော်သေးတာပေါ့သခင်လေးရယ် တတိယသခင်လေးကအိမ်ပြန်ခေါ်လာပေလို့ပေါ့""
""ဟုတ်ပါတယ်သခင်လေး မတော်လို့များသခင်လေးသာတစ်ခုခုဖြစ်သွားရင်ကျွန်မနဲ့မမတော့ဘယ်လိုလုပ်ရမလဲတောင်မသိတော့ဘူး..တကယ်ကိုမတွေးရဲစရာပါပဲ""
အခန်းထဲသို့ပြန်ရောက်လာသည်ထဲကဖြူသခင်သည်ညအိပ်စက်ရန်ပြင်ဆင်နေချိန်၌သူ၏အစေခံမလေး၂ယောက်မှသူ့အားစကားများတရစပ်ပြောနေလေသည်။
ဖြူသခင်သည်ညအိပ်စက်ရန်အဖို့အပြာရောင်တီရှပ်လက်တိုနှင့်မီးခိုးရောင်အပါးသားဘောင်းဘီတိုအားရိုးရှင်းစွာဝတ်ဆင်ထားလိုက်သည်။မနက်ထဲမှပြင်ဆင်သွားသည့်ဆံပင်ပုံစံမှာယခုမှာမူပြေပျောက်သွားခဲ့လေပြီးနဂိုဆံပင်ပုံစံအတိုင်းသာမတိုမရှည်နှင့်ကျန်ခဲ့လေသည်။
""နောက်တခါဆိုသခင်လေးကိုလုံးဝမျက်စိအောက်ကနေအပျောက်မခံတော့ဘူး""
""နောက်တခါဆိုတာမရှိတော့ဘူး သခင်လေးကိုဒီနေ့ကစပြီးအပြင်မခေါ်သွားရတော့ဘူး""
""ဟမ်""
""ဟုတ်တယ် မမပြောတာမှန်တယ် သခင်လေးကိုနောက်ထပ်အပြင်မခေါ်သွားတော့ဘူး""
""နေ နေပါအုံး""
ညီအမနှစ်ယောက်သည်အတိုင်ဖောက်ညီပြန်လေပြီ။သည်လိုနှင့်သူတော့အပြင်ထွက်ခွင့်ပိတ်ခံထိတော့မှာပါပဲ။
""ဒါပေမဲ့တကယ်တော်သေးတာပေါ့ သခင်လေးကိုတတိယသခင်လေးကရှာတွေ့သွားလို့ အဲ့လိုမှမဟုတ်ရင်ရလဒ်ကတကယ်ကိုမတွေးရဲစရာပဲ""
""ဟုတ်တယ်နော် တတိယသခင်လေးကိုကျေးဇူးတင်ရမယ်""
တတိယသခင်လေး...မင်းသွီအက္ခရာ..ပြီးတော့..အကိုလေး။
ဖြူသခင်သည်ထိုသူ၏နာမည်အားကြားလိုက်ရရုံဖြင့်သူ့အလိုလိုပင်သတိမထားမိလိုက်ပါပဲ အပြုံးတစ်ခုဖြစ်ပေါ်လာမိသည်။
""အကိုလေးကဘယ်လိုလူမျိုးလဲ""
""အကိုလေး..အကိုလေးကဘယ်သူလဲ""
ပွင့်စူးမှမသိသကဲ့သို့ကြောင်တောင်တောင်နှင့်မေးလာမှသာဖြူသခင်သည်လည်းအခြားသောအခေါ်ဝေါ်အားသုံးနှုန်းမိသွားမှန်းသတိထားမိသွားလေသည်။
VOCÊ ESTÁ LENDO
နှောင်ထုံးဖွဲ့ရာ ပြယ်လေသတည်း
Romanceဖြူသခင်ဆိုသည့်ကောင်လေးငယ်သည် ××ခုနှစ်၊ဒီဇင်ဘာလ၄ရက်နေ့တွင်သေဆုံးခဲ့ရသည်။သူသေဆုံးချိန်ကသူ့အနားတွင်ထိုသူရှိမနေခဲ့။ ထိုသူမှအိမ်တော်သို့ပြန်ရောက်လာချိန်တွင် ဖြူသခင်၏သေဆုံးနေသည့်ကိုယ်ခန္ဓာမှာရေခဲတိုက်ထဲ သို့သိမ်းဆည်းထားနှင့်ပြီးဖြစ်သည်။ owncreation...နှင်...
