နှောင်ထုံးဖွဲ့ရာ ပြယ်လေသတည်း
၁၃နှစ်ခန့်ကြာပြီးနောက်
လက်ရှိပစ္စပ္ပန်ကာလ
အခန်းထဲတွင်ဆေးနှံ့များထုံမွှန်နေသည့်အငွေ့အသက်ရသည်။
ပေ၂၀ပတ်လည်အခန်းသည်အလုံအလောက်ကျယ်ဝန်းသောအနေအထားတွင်ရှိပြီး အခန်းအားအဖြူရောင်မျက်နှာကြက်သုတ်ထားသည်။ ပြတင်းပေါက်များကိုလဲ မှန်ပြတင်းပေါက်တပ်ဆင်ထားပြီး အဖြူရောင်ပန်းပွင့်ပါသောလိုက်ကာကိုသာ အသုံးပြုထားပြီး တစ်ယောက်အိပ်ရန်အဖို့လုံလောက်သည်ထက်ပိုကာကျယ်ဝန်းသည့်အိပ်ယာကုတင်ဘေးတွင် စားပွဲခုံတစ်ခုံရှိသည်။ ထိုခုံပေါ်တွင်ကြွေပန်းအိုးတစ်လုံးရှိသည်။
အလှဆင်ထားသည့်ကြွေပန်းအိုးထက်တွင် အနီရဲရဲရှိသည့်နှင်းဆီပန်းအပွင့်ကြီးတစ်ပွင့်အား ချိတ်ထိုးထားသည်။ ရိုးရိုးစင်းစင်းနှင့် လှပသပ်ရပ်စွာဖွဲ့စည်းထားသော အခန်းအတွင်းရှိကုတင်ထက်တွင် လူတစ်ယောက်လဲလျောင်းနေသည်။
ကုတင်ဘေးတွင်စက်ကိရိယာပစ္စည်းအစုံရှိပြီး အိပ်ယာထက်မှလဲလျောင်းနေသူအား ဆေးသွင်းပိုက်များဖြင့် စက်ကိရိယာနှင့်ဆက်သွယ်ထားသည်။ယခုလက်ရှိအခန်းအနေအထားမှာ အခန်းသည်အဖြူရောင်ကိုသာအများအားဖြင့်အသုံးပြုထားသည်။ ကုတင်ထက်တွင်လူတစ်ယောက်လဲလျောင်းနေပြီး ထိုသူအားအသက်ဆက်နိုင်ရန်အဖို့ များပြားလှစွာသောစက်ကိရိယာပစ္စည်းများက အထောက်အပံ့ပြုထားသည်။
ထိုသူမှာအဘယ်နည်း။
အဘယ့်ကြောင့် ထိုသူအားစက်ကိရိယာများဖြင့် အသက်ဆက်ထားရသနည်း။
ရက်ပေါင်းများစွာမေ့မြောနေခဲ့ပြီးနောက်တွင် သူသည်ကံတရားအရ နိုးထလာခဲ့သည်။ ရုတ်ချည်းဆိုသလိုလျင်မြန်စွာနိုးထလာသည်မဟုတ်ပါပဲ ပထမဆုံးလက်ချောင်းလေးများ၏အာရုံခံစားနိုင်မှုမှစတင်သည်။
တီ......
တီခနဲဟူသောမြည်သံအဆုံးလူနာထံမှတုံ့ပြန်မှုရှိလာသဖြင့် အခန်းထဲသို့ လူနှစ်ယောက်မှာအလောတကြီးပြေးဝင်လာလေသည်။ တစ်ယောက်မှာအသက်၄၀အရွယ်ဆရာဝန်တစ်ယောက်ဖြစ်ပြီး ကျန်တစ်ယောက်မှာအသက်၃၀ကျော်အရွယ် သူနာပြုဆရာမဖြစ်သည်။ နေ့ရက်များစွာသတင်းထူးမရှိခဲ့ပါသော်လည်း ယနေ့မှာ ထိုလူနာထံမှ မျှော်လင့်ချက်လေး အရောင်သန်းလာသည်။
KAMU SEDANG MEMBACA
နှောင်ထုံးဖွဲ့ရာ ပြယ်လေသတည်း
Romansaဖြူသခင်ဆိုသည့်ကောင်လေးငယ်သည် ××ခုနှစ်၊ဒီဇင်ဘာလ၄ရက်နေ့တွင်သေဆုံးခဲ့ရသည်။သူသေဆုံးချိန်ကသူ့အနားတွင်ထိုသူရှိမနေခဲ့။ ထိုသူမှအိမ်တော်သို့ပြန်ရောက်လာချိန်တွင် ဖြူသခင်၏သေဆုံးနေသည့်ကိုယ်ခန္ဓာမှာရေခဲတိုက်ထဲ သို့သိမ်းဆည်းထားနှင့်ပြီးဖြစ်သည်။ owncreation...နှင်...
