နှောင်ထုံးဖွဲ့ရာ ပြယ်လေသတည်း
မနက်မိုးမလင်းမီအချိန်ထဲကဖြူသခင်သည်စောစီးစွာအိပ်ယာထရပြီးအိပ်ရေးမဝသေးသဖြင့်အိပ်ချင်မူးတူဖြစ်ကာမညီမညာဖြစ်နေသည့်ဆံပင်များသည်လည်းရှုပ်ပွကာမကြာခဏသန်းနေရသည်။
""ဒီနေ့ကဘာနေ့မို့လို့လဲ..ဘာလို့အစောကြီးထပြီး..ထပြီးတော့..ပြင်ဆင်နေရတာလဲ""
ဖြူသခင်သည်မှန်တင်ခုံရှေ့တွင်ထိုင်ပြီးအိပ်ငိုက်နေသဖြင့်စကားအားတောင်စဉ်ရေမရဟိုတစ်လုံး၊သည်တစ်လုံးဆိုရင်းနှင့်စကားအားရောသမမွှေကာစုံအောင်ပြောနေသည်။
""ဒီနေ့ကပန်းပွဲတော်နေ့လေ သခင်လေး..ဒါကြောင့်သခင်ကြီးကဒီအိမ်ကအစေခံတွေအားလုံးကိုဒီနေ့အပြင်ထွက်ဖို့ခွင့်ပြုချက်ပေးထားတယ်..အားလုံးကအပြင်ထွက်ရပြီးပန်းပွဲတော်ကိုအလည်ပတ်သွားရမှာမို့ရင်ခုန်နေကြတာ""
ပွင့်စူးသည်ဖြူသခင်ဝတ်ဆင်ရန်ဗီရိုထဲမှအဝတ်စားအားရှာဖွေနေရင်းနှင့်ပင်ပြန်ဖြေလာလေသည်။
""သခင်လေး ခေါင်းနဲနဲလောက်မတ်ပေးပါအုံး""
အိပ်ငိုက်နေသဖြင့်ခုံပေါ်သို့တစ်ချက်ချက်ခေါင်းချင်းဆိုင်သွားရသည့်ဖြူသခင်အားပွင့်ဖြူမှခေါင်းဖီးပေးနေရင်းနှင့်ပင်မကြာခဏဆိုသလိုသတိပေးနေရသေးသည်။
""လွတ်လပ်ရေးရတာနင်တို့တွေလေ ငါမပါလဲသွားကြပေါ့အိပ်ငိုက်နေတာကို""
""မရပါဘူး သခင်လေးပါလိုက်ရမှာ..အပြင်မှာပန်းပွဲတော်ကတစ်နှစ်မှတစ်ခါကျင်းပတာ..အရမ်းစည်ကားပြီးအရမ်းအရမ်းကိုခမ်းနားတာ""
""မမပြောတာမှန်တယ် ပန်းပွဲတော်ကမနက်မိုးသောက်မတိုင်ခင်၅နာရီဆိုစပြီး အဲ့တော့စောစောမထရင်အရမ်းလှတဲ့ပန်းမျိုးစိတ်တွေကိုမြင်ရမှာမဟုတ်တော့ဘူး""
""မမြင်ရလဲမကြည့်တော့ပါဘူး""
ဟုဆိုကာဖြူသခင်သည်သူ့ခေါင်းအားမှန်တင်ခုံပေါ်သို့ခေါင်းချင်းဆိုင်ပြန်သည်။ပွင့်ဖြူမှခုံနှင့်ခေါင်းချင်းဆိုင်နေသည့်ဖြူသခင်၏ခေါင်းအားတဖန်ပြန်ထိန်းယူကာရှုပ်ပွနေသေးသည့်ဆံသားအားစိတ်ရှည်ရှည်ဖြင့်ဖီးသပ်ပေးပြန်သည်။
YOU ARE READING
နှောင်ထုံးဖွဲ့ရာ ပြယ်လေသတည်း
Romanceဖြူသခင်ဆိုသည့်ကောင်လေးငယ်သည် ××ခုနှစ်၊ဒီဇင်ဘာလ၄ရက်နေ့တွင်သေဆုံးခဲ့ရသည်။သူသေဆုံးချိန်ကသူ့အနားတွင်ထိုသူရှိမနေခဲ့။ ထိုသူမှအိမ်တော်သို့ပြန်ရောက်လာချိန်တွင် ဖြူသခင်၏သေဆုံးနေသည့်ကိုယ်ခန္ဓာမှာရေခဲတိုက်ထဲ သို့သိမ်းဆည်းထားနှင့်ပြီးဖြစ်သည်။ owncreation...နှင်...
