နှောင်ထုံးဖွဲ့ရာ ပြယ်လေသတည်း
အလင်းငယ်မှထွက်သွားပြီးသည်နှင့် မကြာလိုက်သည့်အချိန်တွင် အိမ်တော်သို့မြူရာရောက်ရှိလာသည်။အကြောင်းကြားခြင်းမရှိ၊ အသိပေးခြင်းမရှိသည့်ရောက်ချလာမှုကြောင့် ဖြူသခင်သည်ထိုစကားကြားကြားချင်း အပျော်လုံးစို့ကာမြူရာအား အိမ်တော်ဝင်ပေါက်ဝထိလာရောက်ကြိုဆိုလေသည်။မြူရာနှင့်တွေ့ရခက်မည်ကို စိုးရိမ်ခဲ့ပါသော်လည်း တော်ပါသေးသည်။ မြူရာမှဘေးမသီရန်မခပဲ သူ့ထံသို့ရောက်ရှိလာသောကြောင့်။
အိမ်တော်၏ဝင်ပေါက်နားတွင်ရပ်နေသည့်မြူရာသည် နဂိုရှိရင်းထက်ပိုပိန်ကျသွားသည်။ ပုံမှန်ဆိုလျှင်ဖြူသခင်နှင့်ခန္ဓာကိုယ်အရွယ်အစားချင်းတူညီပါသော်လည်း ယခုအခါတွင်မူ ဖြူသခင်ထက်အနည်းငယ်ပိန်သေးသွားသည်။ မိုးပြာရောင်ပိုးသားတီရှပ်အား ခဲရောင်ချည်ထည်ဘောင်းဘီအပွဖြင့်ဝတ်ဆင်ထားသော်လည်း မြူရာသည်အလွန်သေးငယ်လွန်းသည်။မတွေ့လိုက်ရသည့်ရက်များအတွင်း ဘယ်လောက်တောင်များ စိတ်ဖိစီးနေခဲ့မည်လဲ....
""မြူရာ""
ဖြူသခင်သည်မြူရာအားတွေ့သည်နှင့်တစ်ပြိုင်နက် ပွေ့ဖက်ထားလိုက်လေသည်။ပြီးမှသာ မြူရာခန္ဓာကိုယ်အစအဆုံးအားကြည့်ကာ
""မင်းပိန်သွားတာပဲ..ခိမ်းကမင်းကိုထမင်းမကျွေးဘူးလား ဘာလို့ဒီလောက်တောင်ပိန်သွားရတာလဲ..သူများလူကိုခေါ်သွားတယ်ဆိုရင်လဲသေသေချာချာဂရုစိုက်မှပေါ့ ဘယ်လိုလုပ်အခုလိုပုံစံဖြစ်အောင်နှိပ်စက်ထားတာလဲ""
""ကျွန်တော်အဆင်ပြေပါတယ်...""
အဆင်မပြေမှန်း ဖြူသခင်သိသည်။
""ဘယ်လောက်စိတ်ပူလိုက်ရလဲမင်းသိလား..ငါမင်းကိုအရမ်းစိတ်ပူနေတာ မင်းသာတစ်ခုခုဖြစ်သွားရင် ငါ့ကိုယ်ငါ တကယ်ခွင့်လွတ်နိုင်မှာမဟုတ်ဘူး မင်းကိုကာကွယ်ပေးသင့်တာကို ထပ်ခါထပ်ခါမင်းကိုပဲ ဒဏ်ရာရစေမိတယ် ""
""ကျွန်တော်ဘာမှမဖြစ်ပါဘူး
""ဒါနဲ့မင်းဘာယူလာတာလဲ""
တစ်ယောက်ထဲရောက်လာသည်မဟုတ်ပါပဲ လက်ထဲတွင်ခြင်းတောင်းတစ်ခုပါလာသောကြောင့် ဖြူသခင်မှမေးလာခြင်း။
ŞİMDİ OKUDUĞUN
နှောင်ထုံးဖွဲ့ရာ ပြယ်လေသတည်း
Romantizmဖြူသခင်ဆိုသည့်ကောင်လေးငယ်သည် ××ခုနှစ်၊ဒီဇင်ဘာလ၄ရက်နေ့တွင်သေဆုံးခဲ့ရသည်။သူသေဆုံးချိန်ကသူ့အနားတွင်ထိုသူရှိမနေခဲ့။ ထိုသူမှအိမ်တော်သို့ပြန်ရောက်လာချိန်တွင် ဖြူသခင်၏သေဆုံးနေသည့်ကိုယ်ခန္ဓာမှာရေခဲတိုက်ထဲ သို့သိမ်းဆည်းထားနှင့်ပြီးဖြစ်သည်။ owncreation...နှင်...
