" انا معرفتش اربي ".
" يا فرحه عمتك فيا.. ".
" ياخساره تربيتك يا مديحه! مش مكسوف من نفسك وانت ماشيلي مع مدام؟ واختك تعملك حساب بعد ما شافتك كدا ازاي طيب! ".
كان يقف متطلعًا إليها بسخط شديد لذلك الموقف المحرج بينما شقيقته اكتفت بالتطلع لوالدتها ببراءة مصطنعه قبل أن تهتف " عشان تعرفي أن انا احسن منه على الله يعجب بس..-يا حجه بقى! "
صاحت فور ما أن صطدم حذاء والدتها بكتفها الأيمن ليتطلع اليها حمزة بحنق منتهزًا فرصة للجلوس بجانب والدته " يا أمي مش ماشي معاها وربنا.. ".
" اومال تسميه ايه وقوفك معاها عالباب؟ ". هتفت بغيظ رامقه اياه بنظرات مؤنبه لينكس رأسه خجلاً منها..فقد اخطأ لكن ليس لهذا الحد!
زفرت بإرهاق وهي تستغفر ربها لعده لحظات " يابني افهمني، انا خايفه عليك من الغُربه دي مش حلوه ليك وانت عازب كدا ".
" انا مش عيل صغير ياحجه متشيليش هم و..- ".
" لا عيل يا حمزه، لما اجي الاقيك واقفلي مع واحده عالباب يبقي عيل وستين عيل كمان! ".
"سيبينا لوحدنا شويه يا ساره ".
" يووه.. " صاحت بحنق قبل ان تحدجها والدتها بنظرات مُحذره لتنهض سريعاً بإتجاه احدي الغرف.
كانت والدته تتحاشي النظر اليه بغضب شديد وهي تشعر بوجود شئ خاطئ..، ولدها صغيرها ذو نخوه ورجوله لا تسمح له بالنظر لسيده متزوجه..قررت التريث قليلاً لتلتفت اليه متطلعه لعيناه بتساؤل " يعني انت مش ماشي معاها؟ ".
لاحت علي شفتاه ابتسامه راضيه لهدوء والدته فأوُمئ لها مبتسماً بطمئنينه
" والله لا..تعرفي عن ابنك كدا برضو يا ست الكل؟ ".
أنت تقرأ
| قالوا عليكِ |
Aventura" ماما..ماما هي دي عروسة؟ " نبست فتاة صغيرة وهي تسحب ملابس والدتها حتى يتطلعوا إلى تلك الواقفه بجانبهم. نظرت السيدة إلى ما تشير إليه ابنتها حتى حركت رأسها بتعجب ثم عادت تنتظر المصعد الآخر " والله مش عارفه يابنتي..بس هو المفروض ايوه! ". " طب فين عري...
