قالوا عليكِ..
لما بدأت أكتب الرواية دي بكل صراحة مكنتش متخيلة إن حد يقرأها غير أصحابي المقربين لأني كان بقالي فترة كبيرة منقطعة عن الكتابة، * وحدش عارفني غير من هنا بس أنا كنت كاتبة زمان رواية خيالية إسمها نصف روح مستذئبين وكدا* .🤏🏻
وفعلاً قعدت فترة طويلة محدش بيقرأ قالوا عليكِ، وفجأة كده ' من غير ما أحس ' لقيتها وصلت لناس كتير والحمدلله قدرت تنجح!
اللي بيميز الرواية من وجهة نظري إني كتبتها من غير ما أتأثر بتعليقات القراء أو أحاول أرضي الكل.. كنت محددة خط سير الأحداث ومشيت عليه، وده اللي خلّى القصة غير متوقعة وخلّى الأحداث تاخد طابعها المميز.
النهاية كانت واضحة من البداية لكل شخصية؛ كل بطل ياخد نهايته اللي تناسبه.
يمكن قبل كده قلت إن فيه احتمال لخاتمة تانية، وفعلاً كنت كاتباها بس مع الوقت حسيتها مالهاش لازمة وهتكون مجرد تمطيط وهتقلل من قيمة الرواية بجد..
ففضلت إن الرواية تفضل بنهايتها الحالية لأنها كافية ومميزة من غير زيادات✨
وبالمناسبة.. يمكن دي أول مرة أقولها بوضوح: تقريبًا 25% من أحداث الرواية مستوحى من قصة حقيقية حصلت بالفعل مع شخص حقيقي واي رواية بكتبها أو هكتبها بيكون فيها النسبة دي من الواقعية 👀
لو حابين نتناقش أكتر عن الرواية أو أي تفاصيل تخصها، أنا متابعة الكومنتات بكل حب وحماس، وكمان لينا جروب واتساب لو حابين تنضموا وتشاركوا النقاشات عرفوني ابعتلكوا رقمي 🌚🎀
وأخيرًا.. بعد غياب سنتين، مبسوطة جدًا إني راجعة تاني وأشارككم رحلتي ككاتبة 🪄🤍
أنت تقرأ
| قالوا عليكِ |
Abenteuer" ماما..ماما هي دي عروسة؟ " نبست فتاة صغيرة وهي تسحب ملابس والدتها حتى يتطلعوا إلى تلك الواقفه بجانبهم. نظرت السيدة إلى ما تشير إليه ابنتها حتى حركت رأسها بتعجب ثم عادت تنتظر المصعد الآخر " والله مش عارفه يابنتي..بس هو المفروض ايوه! ". " طب فين عريس...
