أحيا بنبضها - أميرة مدحت

ملخص + ميعاد نزول الرواية

ملخص رواية #أحيا_بنبضها من الفصل الأول للفصل الرابع والعشرون:

الحكاية بتبدأ بـ"روڤان"، اللي كانت متجوزة "نائل" شخصية سيئة، وبيمارس معاها أي حاجة في حياتهم مع بعض بعنف، لدرجة أنها دخلت المستشفى على يده اكتر من مرة، لكن المرة الأخيرة طلبت الطلاق، وهددته إن معملش كدا، هتروح الفرعون.. وهو هيطلقها منه لما يعرف الأسباب الحقيقية وراء الطلب ده، لأن هناك في قانون بيحترم الست جدًا، و هو هيخاف وهيوافق على كلامها، وهي قالتله هاتروح تبات عند صاحبتها، وتاني يوم هتروحله البيت يكون هو جاب المأذون، وخلص الكلام على كدا.

لكن تاني يوم لما راحت "روڤان" بيتها، ملقتش حد، دخلت اوضتها، اتفآجات بأن في حد بيكتم أنفاسها وبيخدرها، عشان تفوق بعد فترة تلاقي نفسها بتضرب من جوزها "نائل" وهو بيردد كلمة خاينة، وتكتشف أنه خطط لكل ده، عشان متبقاش لحد تاني غيره وفي نفس الوقت متفضحهوش، وطبعا رجالة الفرعون وصلهم الخبر وخدوها على السجن، والراجل اللي قفشوه معاها إختفى!

ويظهر الفرعون "هارون الكردي" اللي بيفكر ينتقم منها، عشان أبوها هو اللي قتـ.ل ابوه، لكن الرحمة والعدالة اللي جواه بتمنعه ويسمعها و"يونس" صديقه بيأكد براءتها، وفعلاً هيبدأ كل واحد فيهم يدور ورا الموضوع ده لغاية ما يوصلوا للحقيقة.

و"رزان" صاحبة "روفان" هتدور مع "يونس"، بعد ما أقنعها بده لما شافها راحة على بيت "نائل" عشان تخلص عليه، لكن هو لحقها، وبتبدأ قصتهم سوا، لغاية ما يظهر جوزها "جلال"، اللي كانت هربانة منه، واللي كانت سبب هروبها هي صاحبتها "روفان" و"فادي"، و"رزان" مكنتش عايشة في القرية دي، كانت عايشة في مصر، وهي اتعرفت على "روفان" و"فادي" لما نزلوا عشان شغل ودراسة "فادي".

وقبل ما "جلال" يتهجم عليها عشان ياخد حقه، كان "يونس" لحقها، وبتبدأ محاولاته بأنه يخلصها منه، رغم أن القوانين بتمنعه عن ده لأنها مش من أهل القرية ولا "جلال" نفسه.

في نفس الوقت، كان "هارون" بيجيب حق "روفان" بعد ما ظهرت براءتها، وجبلها حقها من "نائل" ومن كل شخص صدق الكلام ده، وبدأ يدور على الشخص اللي اشترك في اللعبة دي مع "نائل".

عشان يظهر "عزيز" عم "هارون" ومراته "ماريا"، وهما عاوزين يجوزوه "كاميليا" بنتهم ومش قادرين على ده، و"عزيز" بيبدأ يهدد "روفان" أنها لو مبعدتش عنهم مش هيسبها، وبيقولها على الحقيقة، أن أبوها قتـ.ل أبو "هارون"، و"هارون" بيتعصب على عمه لأنه قالها، خصوصاً أن في مشاعر غريبة بدأت تظهر عليه ناحيتها، وهي بتنهار من الزعل والعياط، وعلاقتهم بترجع سيئة جدًا، خصوصاً مع ظهور اخوها "فادي" اللي مش بيستحمل كلمة على أخته عكس اخوها التاني الغير شقيق "يحيى" اللي مش بيكره في دنيته أد "روفان" وبتبدأ حرب بينهم وبين الفرعون.

وفي وسط كل ده، في حد عاوز يدمر الفرعون، ويخلص من "روفان" وكل مرة بيفشل في ده، لكن مين؟ وايه السبب؟ الله أعلم.

وآخر حاجة بتنتهي أن "يونس" بيحاول يتفق مع "جلال" أنه يطلق "رزان" مقابل مبلغ مالي، و أن الفرعون قدر يوصل للشخص اللي اشترك مع "نائل" في اللعبة دي على "روفان" بعد ما "نائل" اعترفله عشان يفرج عنه، وبيأمر "هارون" رجالته أنهم يجيبوا الراجل ده عشان يكون عبرة للكل وياخد حق "روفان".

استنوني يوم ١٧ بإذن الله عشان هنرجع للرواية، وأي حد عنده أستفسار يقول، وأتمنى أنكم تتفاعلوا بلايك وكومنت برأيك.🥰

#أميرة_مدحت