Book I: IRRESISTIBLE CHARM (COMPLETED)

Chapter 7

Pagkatapos kong kumain. Niligpit ko ang pinagkainan ko. Hinawakan ko ang tray saka tumayo na.

"Hi," Nagulat ako dahil sa pagharap ko, isang babae ang siyang sumulpot sa harapan ko. Siya 'yong babaeng kasama nina Jackross.

"Call me, Belinda. We didn't have a chance to welcome you earlier because we were inside the class." she said politely, but sounds fake to me.

Tumingin ako sa kaniyang likuran. Nakita ko ang isang guy at si Jackross. Kumaway sa'kin 'yong isa while Jackross looked away. Tumingin din siya sa kaniyang likuran. Lumapit siya sa isang guy.

"This is Dan, my boyfriend. We are ---" Dumako ang kan'yang tingin kay Jackross na kasalukuyang patungo sa isang vacant table. "---his friend." masiglang wika niya.

"Glad to meet you." nakangiting tugon ni Dan. Bumulong siya kay Belinda. Tumango naman siya saka sinundan ng tingin ang boyfriend niyang patungo rin sa table kung saan naroon si Jackross.

"Nice to meet you too." tugon ko. "Now, time for me to excuse myself." polite kong paghingi ng permission sa kaniya.

"Not so fast, bitch?" Hahakbang na sana ako pero nahinto ako. Tiningnan ko ang aking sariling basang-basa. Sinabuyan lang naman ako nang malamig na juice.

Hindi pa siya nakuntento dahil talagang pinaliguan pa ako ng iba't ibang sauce. Hindi makapaniwalang marahan kong binatawan ang tray na hawak ko. Pinatong ko ito sa table na malapit sa'kin. Tiningnan ko ang sarili kong punong-puno ng malalagkit na sauce. Maging ang buhok ko ay ganoon din. Basang-basa rin siya. Okay lang kung tubig, e. Pero sh*tty! Sauce ang binuhos sa'kin.

Marahan akong lumingon sa lapastangang bumaboy sa suot ko. Bumungad sa'kin ang isang babaeng abot langit ang ngiti. Kumaway pa siya sa'kin.

"Hello, I am Darrie." sopistekadang pakilala niya.

Naalala ko na. Siya ang katabing babae ni Jackross kanina no'ng pumunta ako sa classroom niya. Sa kaniya nanggagaling 'yong masasamang tingin na nararamdaman ko habang palabas ako.

"So, you are Darrie. The girl they talked about." simpleng tugon ko habang marahang pinupunasan ang sarili ko ng aking daliri.

Lihim na napangiwi ako dahil walang nangyayari sa ginagawa ko. Lalo lang itong kumakalat at pumapailalim ang basa sa loob ng suot ko.

"At babaeng may gusto kay Frivo." patuloy kong wika.

"Frivo?" kunot noo niyang wika.

"Who are you to call him like that?" mayr'ong halong galit niyang saad.

Nahinto ako sa ginagawa ko saka marahang tumingin sa kaniya. Kumibit-balikat ako. "Why not ask him." bagot kong wika.

Kinuha ko ang tray na nilapag ko. Bagot na tinalikuran ko siya. Ayoko siyang patulan. Dahil kung papatulan ko siya. Higit pa sa pagsaboy ng juice at sauce ang kaya kong gawin sa kaniya. Bukod doon, it's my first day here.

Muli akong nahinto sa paglalakad. Sinabuyan niya ako ulit pero ngayon, pasta naman. Pinikit ko ang aking mga mata para kalmahin ang sarili ko. Narinig ko ang pagsipol ni Dan. Ang pagtawa ng mga studyanteng naririto. Ang pag-cheer ng iba at ramdam ko ang simpleng panonood ni Jackross.

"Who told you that you have the privilege to turn your back on me?" wika ni Darrie.

Saktong pagmulat ng aking mga mata. Hindi ko inaasahang hihilahin niya ang buhok ko at pagkatapos ay malakas niya akong tinulak. Napasubsob ako sa mga nagkakalat na spaghetti. Lalong nagtawanan sila.

Marahan akong bumangon. Muli akong napapikit dahil ice coffee naman ang binubuhos sa'kin.

"Masiyadong mainit ang ulo mo. Palamigin muna natin." natatawang wika ni Belinda.