Book I: IRRESISTIBLE CHARM (COMPLETED)

Chapter 25

Naalimpungatan ako sa naririnig kong ingay na nagmumula sa labas. Nagmulat ako ng mga mata at tumingin sa paligid ko. Marahan akong bumangon habang nagpupunas ng mata. Pagtingin ko ulit sa paligid ko.

Mayroon ng ilaw sa loob ng tent. Wait? Gabi na ba? Agad kong hinanap ang phone ko. Binuklat ko ang kumot, and there it is, nakita ko na ang phone ko. Binuksan ko ito at tiningnan ang oras sa phone screen.

“Oh? 7:00 o’clock na pala.” Napakamot ako sa ulo. “Napasarap ang tulog, ah.” mahina kong saad.

Hindi man lang ako ginising. Inalis ko ang kumot na nakakumot sa’kin. Tiningnan ko pa ito kasi sa natatandaan ko kanina. Hindi ako nakakumot. Kumibit-balikat na lang ako, bakit pa ako mag-iisip? Baka nagkumot naman ako hindi ko lang maalala.

Baka iyon nga, total may memory loss issue ako. Umalis ako sa hinihigaan ko. Makalabas na nga. Mukhang nag-e-enjoy na sila sa labas. Lumapit ako sa pinto saka binuksan ito. Bumungad sa’kin ang ingay ng musika. Lumabas na ako sa tent.

Tumingin ako sa paligid. Lahat ng nakatayong tent ay mayroon ng mga ilaw. Ang ganda ngang tingnan, e. Iba-iba kasi ang kulay ng mga tent tapos mga fall in line pa. Ang bawat isa ay mayroong mga ginagawa. Sa gitna, makikita ang malaki at mahabang mesa. Ang ilan ay nakapalibot dito.

Napadako ang tingin ko sa malapit sa lake. Mayroong tao roon, doon nagmumula ang musika, nagsasayawan sila roon.
Habang nagtitingin ako sa paligid. Nakaamoy ako nang mabangong amoy kaya hinanap koi to kung nasaan. Lumawak ang ngiti ko nang makita ko si Jackross nag-iihaw. Lumakad ako patungo sa kaniya.

“Wow! Its look delicious. Can I have one?” tanong ko pagkalapit ko kay Jackross.

Nag-iihaw siya ng barbeque, isaw, betamax, chicken feet, head, and legs.

“Go ahead,” wika niya,

Napangiti ako. Kumuha ako ng tig-iisang isaw, barbeque at chicken leg. Sinundan pa nga ng tingin ni Jackross ang mga kinuha ko. Nginitian ko siya nang malapad. Una kong kinain ang barbeque.

“Hhm! Yummy! Ikaw ba ang gumawa nito?” sambit ko,

Lumapit ako sa mesa kung saan naroon ang mga iihawin niya pa. Marahan akong umupo sa mesa habang kumakain ng chicken leg.

“Mayroon na bang bagong luto? Sorry, ang bilis maubos nila.” alanganing saad ng lalaking lumapit kay Jackross.

Inabutan kaagad ni Jackross ang humihingi. Binigay niya ang tatlong plate na puno ng barbeque.

“Thank you,” pasalamat naman nito.
Sinundan ko ng tingin iyong lalaki. Nilapag niya ang dala niya sa mesa at sa iba pa. Para siya ang taga-deliver ng mga naluluto ni Jackross.

“Pahingi pa,” parang bata kong saad.

Ipinatong ko sa magkabilaang sides ko ang mga kamay ko. Ang mga paa ko naman nagswi-swing. Nag-puppy eyes ako sa kaniya. Inabutan niya ako ng isang barbeque at isang chicken leg. Kinuha ko ito at nagpasalamat ako sa kaniya.

“Bakit ikaw ang gumagawa nito?” tanong ko, trying to open up the topic.

“Hindi ikaw ang inaasahan kong gagawa nito para sa iba.” dagdag ko.

Agad kong naubos ang binigay sa’kin. Sinilip
ko ang kabilang table kung saan naroon ang mga naluto niya. Inabot ko ito. Ang nakuha ko ay ang barbeque lang. Iyon lang ang abot ng kamay ko. Lihim akong napasimangot. I want more, e.

Kumuha pa ako ng isa. “Oh?” sinundan ko ng tingin ang platong nilalayo niya.
“Jackross! What are you doing? I’m still eating.” I protest.

“You’re eating too much,” he said.     
Hindi ako nagpatalo.

Umalis ako sa pagkakaupo sa mesa. Lumapit ako sa kaniya. Nagulat ako inangat niya ang kamay niya pataas. Hindi pa rin ako susuko. Pagkain iyon, e.