Magique Fortress - Published under PSICOM (Diamond Series #2)

Chapter 25 - Fire and Water

Sana ma-enjoy niyo ulit ito.

#MagiqueFortess - pakitrend sa twitter. Joke lang. Hindi naman masamang mangarap :'( HAHA!

xx pipipixie bleeh

==========

Chapter Twenty Five
Fire and Water

BUMALIK ako sa Daffedille Lake dahil may nahulog akong isang mahalagang bagay roon—'yong regalo ni Tine sa akin.

Magmula sa pagkakataong ito ay aangkinin ko na siya. Akin lang siya. I w ouldn't let Yuan or anyone have her, pero sana ay pareho kami ng nararamdaman para sa isa't isa. Sana ay gusto rin niya ako.

Naiwan sina Ellie para bantayan si Tine kaya pumunta muna ako rito at sumaglit para hanapin ang bracelet na bigay niya. Nilangoy ko ang lawa patungo sa puwesto kung saan namin natagpuan si Tine. Wala na akong pakialam kung mababad man ako basta mahanap ko lang 'yon. Malakas ang kutob kong doon ko ito nahulog.

Mabuti na lang at ilang sandali lang ay nahanap ko na rin ito. Huminga ako nang malalim pagkaahon saka saglit na nagpahinga. Pabalik na ako ng Prime Kingdom nang makasalubong ko si Bethany.

"Bakit basang-basa ka?" tanong nito na hindi ko na sinagot saka patuloy lang na naglakad. Akmang hahalikan niya sana ako, pero umiwas ako agad.

"Bethany, I'm sorry, but I can't do this." And I was a jerk for accepting her offer without thinking that Bethany might also get hurt. I took advantage of her at some point kaya hindi ko rin napigilang ma-guilty sa pagiging makasarili ko. 

"Pero Val, bawal kayo. Hindi mo pa rin ba naiintindihan 'yon?"

"Siya ang mahal ko. I will do anything to keep us. At wala akong ibang nakikita pang babaeng mamahalin ko kundi siya. Kung hindi man kami magkatuluyan, I'm okay to be alone, but that doesn't mean that I will stop loving her."

Kung mayroon mang makakapagpabago ng lahat, si Tine lang 'yon. Dahil kung magkataong hindi pala ako ang itinitibok ng puso niya, baka sakaling mapilitan pa akong sumubok ng iba at tuluyan siyang pakawalan.

Siya lang ang makapagdidikta ng lahat ng mangyayari sa buhay ko.

"Sorry . . ." saka ako tumuloy sa paglalakad pagbalik sa clinic. Akmang papasok na ako sa kaniyang silid nang marinig ko silang nag-uusap.

Gising na siya!

"I know that this isn't a good time, but I just want you to ask again, Tine. Sino na ba'ng mas matimbang? Si Yuan o si Val?" Boses ni Ellie iyon. Sa isang iglap ay tila gusto ko na lang biglang maglaho. Napansin ko pang natagalan si Tine bago magsalita kaya mas lalong nagtatambol ang puso ko sa kaba.

Paano kung hindi ako? Hindi ko napaghandaan ito. Hindi ko talaga alam ang gagawin ko kung sakaling hindi ako. 

"Sinong mas matimbang Tine? Team honeybar o team cheesecake?"

"Ayaw kong magkagusto kay Val, Ellie. He's not healthy to me. Si Yuan naman, aaminin ko, unang beses ko pa lang siyang nakita, para na akong nagkaroon ng instant crush sa kanya. Siguro si Yuan na lang ang pipiliin ko. Si Yuan naman talaga dapat." 

Ang mabilis na tibok ng puso ko kani-kanina lang ay tila biglang huminto. Alam kong hindi niya nasagot si Ellie kung sino ang mas matimbang, pero sa mga sinabi niya, halata namang si Yuan ang mas higit niyang gusto kaysa sa akin. Si Yuan na sa umpisa pa lang pala, gusto na niya.

No'n ko lang napagtanto na mahirap pala talagang labanan ang nauna. It looked like I was destined to be just in second place. Hindi ko man lang nasabi sa kaniya ang nararamdaman ko. Gayunman, wala na rin namang saysay 'yon. She just chose Yuan over me.